Bundestagu gjerman pritet të ratifikojë nesër Kushtetutën Evropiane | Evropa | DW | 11.05.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Bundestagu gjerman pritet të ratifikojë nesër Kushtetutën Evropiane

default


Bundestagu gjerman pritet të ratifikojë nesër Kushtetutën Evropiane. Shumica e nevojshme prej dy të tretave e votave është e sigurtë, edhe nëse një sërë deputetësh, pasa së gjithash unionistë do të votojnë kundër. Ratifikimi i kushtetutës së BE konsiderohet si një hap historik në rrugën drejt një Evrope të bashkuar. Por ky fakt përkujtohet megjithatë pa bujë: shumë të mëdha janë pasiguritë që lidhen ndërkohë me "projektin Evropa".

Fraksionet e Bundestagut kanë rënë ndërkohë dakord për zgjerimin e të drejtave të bashkëvendosjes së Parlamentit për çështje të BE. Kështu, p.sh. qeveria gjermane duhet ta informojë në të ardhmen Bundestagun gjerësisht dhe në kohën e duhur për vendime të BE. Fraksionet parlamentare kanë të drejtë të ngrejnë aktpadi kundër shkeljes së kompetencave nga ana e BE. Në mënyrë që të ratifikohet marrëveshja për Kushtetutën, për të duhet të votojë gjithashtu me dy të tretat e votave edhe Bundesrati, Dhoma e Landeve. Kjo pritet që sipas të gjitha gjasave të ndodhë në 27 mars.

Me këtë plan të ngushtë kohor, forcat e mëdha politike në Gjermani synojnë të japin një sinjal drejt vendeve anëtare të BE, tek të cilat kushtetuta nuk mbështetet nga një shumicë e sigurtë në parlament. Kjo vlen në radhë të parë për Francën, ku më 29 maj do të zhvillohet një referendum. Në Gjermani- këtë e tregojnë edhe anketimet më të fundit- ka një shumicë të qartë në mbështetje të Kushtetutës së BE. Shumë do të kishin preferuar që të votonin në mënyrë të drejtpërdrejtë për kushtetutën. Por në Bundestag nuk u arrit të fitohej një shumicë pro një referendumi për kushtetutën e BE.

"Kushtetuta e re", e cila zëvendëson të gjitha marrëveshjet aktuale të BE, e përcakton më saktë kufizimin e kompetencave midis BE dhe të 25 shteteve anëtare. Marrja e vendimeve do të ripërcaktohet me një renditje në bazë të madhësisë së vendeve. Parlamenti i BE do të marrë më shumë të drejta. Në të ardhmen do të ekzistojë një ministër i jashtëm i BE dhe një president të BE, i cili do të qeverisë për shumë vjet.

Kritikë të kushtetutës, para së gjithash nga radhët e Partisë Kristjansociale shohin në kushtetutën e BE një minim të kushtetutës gjermane dhe shfuqizim të Parlamentit Gjerman, Bundestagut. Kundër kësaj ata do të ngrejnë aktpadije në Gjykatën Kushtetuese në Karlsruhe. Ish- gjykatës të kushtetutës kanë kërkuar tashmë "sqarime", në mënyrë që marrëveshja e re e BE të mund t'i rezistojë një shqyrtimi nga ana e Bundestagut.

Zgjerimi në Lindje i BE dhe liberalizimi i mëtejshëm i tregjeve i lidhur me këtë, si dhe debati për anëtarësimin e Turqisë në BE u kanë dhënë krahë në Gjermani edhe kritikëve të kursit aktual të BE. Reagimi i shumicës në fraksionet e Bundestagut ishte që të zgjerohen të drejtat e parlamentit për tema të BE.


Kushtetuta e BE do të konsiderohet vetëm atëherë e ratifikuar përfundimisht kur për të kenë votuar të 25 shtetet anëtare. Kjo do të ketë ndodhur deri në nëntor 2006. Kjo temë do të jetë deri atëherë edhe në politikën e brendshme temë dite. Partitë unioniste kanë shpallur ndërkohë se do ta bëjnë Evropën temën qendrore të fushatës elektorale. Koalicioni qeveritar kuq e gjelbër i konsideron të tijat përparimet kryesore që lidhen me kushtetutën. Në fund të fundit, kancelari Gerhard Shrëder ka qenë njeri nga ata që ka shtruar rrugën e këtij projekti.

  • Data 11.05.2005
  • Shtypni Shtypeni faqen
  • Permalink https://p.dw.com/p/ArEW
  • Data 11.05.2005
  • Shtypni Shtypeni faqen
  • Permalink https://p.dw.com/p/ArEW