'Yan Nazi sun fuskanci hukunci a Kotun Nuremberg

An gurfanar da wadanda ake tuhuma 21 a shekarar 1945 da 1946 a gaban kotun soji ta kasa da kasa, da aka kirkira ta musamman domin gudanar da bincike kan laifukan yaki. Daga cikinsu har da jami'an Nazi, manyan hafsoshin soja da ma'aikatan gwamnati da jami'an diflomasiyya da masana'antu, kuma duk sun yi hidima ga gwamnatin Nazi.

Da farko 'yan Soviet sun so a yi shari'ar a Berlin, babban birnin gwamnatin Nazi. Amma aka ga cewar kotun Nuremberg ta fi dacewa saboda yakin duniya bai illata ta sosai ba, kuma tana da babban gidan yari. Kasancewar Nuremberg ya taba zama wurin taron jam'iyyar Nazi kamar yadda ake gani a hoton da ke sama wanda aka dauka a shekarar 1934.

A matsayinsa na mataimakin shugaban gwamnati, Franz von Papen (tsakiya) ya yi kokarin kare Adolf Hitler a matsayin wani bangare na gwamnatin hadin gwiwa. Amma an ware shi tare da mayar da shi jami'in diflomasiyya. A birnin Nuremberg, an wanke shi kan laifin mamaye kasar Ostiriya, kafin wata kotu a yammacin Jamus ta daure shi shekaru takwas kan tilasta mutane aikatau. An sake shi a shekarar 1949.

Hermann Göring (dama) shi ne mafi matsayi a Nazi a tashar jirgin ruwa, wanda ake ganin shi a matsayin mutum na biyu mafi karfi a Jamus bayan Hitler. Amma duk da haka ya musanta zargi kan sansanonin gwalegwalen Nazi. An samu Göring da laifi kan duk tuhume-tuhumen da ake masa kuma an yanke masa hukuncin kisa - amma ya kashe kansa ta hanyar shan guba da dare gabannin a kashe shi a watan Oktoba 1946.

Rudolf Hess ya kasance mai goyon bayan gwamnatin Nazi da Hitler, inda aka nada shi mataimakin shugaban jam’iyyar a 1933. A shekara ta 1941, ya tashi zuwa Scotland da kansa a yunkurin shirya tattaunawar sulhu da gwamnatin Birtaniya. A Nuremberg, an yanke masa hukuncin daurin rai da rai. A shekarar 1987, yana da shekaru 93, ya rataye kansa a gidan yarin Spandau, wanda ke karkashin ikon kawance.

A matsayinsa na gwamna-janar na Poland da aka mamaye, Hans Frank shi ne mai alhakin kisan dubban daruruwan mutane, inda ya kula da gidajen marasa galihu da sansanonin gwale-gwale. A jawabinsa game da Yahudawa a 1939, ya ce "Idan suka mutu da yawa zai fi kyau." A kotun Nuremberg, ya nuna nadama. Bayan da aka yanke masa hukuncin kisa ta hanyar rataya, ya ce: "Na cancanta kuma na yi tsammanin haka."

Shari'ar Joachim von Ribbentrop wanda ke hagu a hoto da Josef Stalin a 1939, ya nuna cewa ma'aikatar harkokin wajen Jamus na da hannu a laifuffukan Nazi. Ofisoshin jakadancin Jamus sun yi aiki kafada da kafada da jami’an tsaro na SS da wasu kungiyoyin ‘yan Nazi don kora da kuma kashe Yahudawa. Ribbentrop, wanda bai nuna nadama ba, shi ne wanda aka tuhuma na farko da aka kashe ta hanyar rataya.

Albert Speer shi ne na biyu hoton ta hagu, jagoran tsarin gine-ginen 'yan Nazi ne. Hitler ya kasance babban mai sha'awar zane-zanen gidajensa, amma kotun Nuremberg ta mayar da hankali ne kan ayyukansa a matsayin ministan makamai da samar da kayan yaki. Speer ya boye alhakinsa na taimakawa wajen fadada sansanonin gwalegwale. Da kyar ya tsira daga hukuncin kisa.

Asalinsa jami'in diflomasiyya ne, ya zama babban mai sayar da karafa bayan aure da dangin masu masana'antu na Krupp. A farko ya nisanta kansa da Hitler, daga baya ya shiga hannu don rawar da kamfaninsa ke takawa a masana'antar kera makamai. Krupp ( a bangaren dama a hoto), ya tilasta ma'aikata sama da 100,000 aikin karfi amma ba a gabatar da shi a Nuremberg ba saboda yana rashin lafiya.

A matsayin babban kwamandan sojojin ruwa na Jamus, Karl Dönitz wanda ke tsakiya a hoton, ya yi suna wajen ba da umarni ga ma'aikatan jirgin ruwa da ke kai su ga neman kashe kansu. Kafin ya kashe kansa bayan yakin duniya, Hitler ya nada shi shugaban kasa. An yanke masa hukuncin daurin shekaru 10 a yarin Nuremberg, Dönitz ya dage a tsawon rayuwarsa cewa shi soja ne, kuma bai yi wani laifi ba.