Rice ta kai ziyarar ba zata a Bagadaza
October 5, 2006Sakatariyar harkokin wajen amurka Condoleeza Rice ta kai wata ziyara ba zata zuwa birnin Bagadaza,bayan ganawarta da shugabanin Israila a yau din,a ci gaba da ziyarata zuwa yankin gabas ta tsakiya.
Rice ta gana da firaministan Iraqi Nuri al-Maliki kana ta tattauna da jamian Amurka da na Iraqin,a kokarinda kasar Amurkan take yi na na ganin an lafarda tashe tashen hankula dake kara muni a kasar.
Rice tace aikinsu shine su bada goyon baya ga dukkan bangarori tare da matsa masu lamba suyi aiki tare wajen gaggauta nemo bakin zaren warware rikicin kasar,saboda a cewarta a fili yake cewa ba zaa zuba ido ana ganin halinda tsaron kasar yake ciki ba tare da taimaka ba.
Tun ziyara Rice ta karshe a watan Afrliu kasar Iraqi ta sake fadawa cikin tashe tashen hakula da suke sanadiyar rayukan mutane fiye da 100 a kowace rana.
Yanzu haka dai yawan dakarun Amurka a Iraqi ya karu daga 132,000 zuwa 142,000.