Upinzani Zimbabwe walalamika kuchelewa kwa matokeo | Wafanyakazi wa Idhaa ya Kiswahili | DW | 31.03.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Upinzani Zimbabwe walalamika kuchelewa kwa matokeo

Matokeo kuanza kutangazwa leo

default

Wazimbabwe wakitazama matokeo ya awali yaliyobandikwa ukutani katika kitongoji cha Mbare mjini Harare

Upinzani nchini Zimbabwe umewalaumu maafisa wa tume ya uchaguzi kwa kuyachelewesha makusudi matokeo ya uchaguzi katika hatua ya mwisho ya kumsaidia rais Robert Mugabe aendelee kubakia madarakani.

Huku tume ya uchaguzi ya Zimbabwe ikisema itayatangaza matokeo ya kwanza leo asubuhi, chama cha upinzani cha Movement for Democratic Change, MDC, kimesema imebainika wazi kwamba rais Mugabe ameshindwa na hakitakubali matokeo yatakayokwenda kinyume na ukweli huo.

Wanachama wa chama hicho wanahofu chama tawala wa ZANU-PF kinatumia wakati huu kuyabadilisha matokeo ya uchaguzi uliofanyika juzi Jumamosi nchini humo. Kiongozi wa chama cha MDC, bwana Morgan Tsvangirai amedai ameshinda uchaguzi huo kulingana na ripoti za matokeo ya awali. Hata hivyo rais Mugabe amesema anaamini amewashinda wapinzani wake katika uchaguzi huo.

Hali ya wasiwasi imezidi katika mji mkuu Harare na polisi wamekuwa wakishika doria kwenye barabara zote za mji huo.

  • Tarehe 31.03.2008
  • Mwandishi Charo, Josephat
  • Chapisha Chapisha ukurasa huu
  • Kiungo https://p.dw.com/p/DXao
  • Tarehe 31.03.2008
  • Mwandishi Charo, Josephat
  • Chapisha Chapisha ukurasa huu
  • Kiungo https://p.dw.com/p/DXao

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com