1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
IranMzozo wa Kongo MasharikiMzozo wa Israel na Hamas
Sauti zetuVidio zetu
Jamii

Shirika la DRC laonya wimbi jipya la wakimbizi

Saumu Njama
16 Aprili 2026

Makadirio mapya ya shirika la DRC yanaonya zaidi ya watu milioni 4.2 watayakimbia makazi yao kufikia 2027 kutokana na vita na ukatili, huku ufadhili wa misaada ukizidi kupungua duniani.

https://p.dw.com/p/5CGhe
Sudan Kusini 2026 |
Maelfu ya familia wanabaki katika Kituo cha Mpito cha Renk, kilichoanzishwa kwa ajili ya wakimbizi kutoka Sudan, katika jiji la Renk lililopo Jimbo la Upper Nile, kaskazini mwa Sudan Kusini.Picha: Lino Ginaba/Anadolu/picture alliance

Vita, migogoro, vurugu na mateso vinatarajiwa kuwafanya watu milioni 4.2 kuyakimbia makazi yao ifikapo mwisho wa mwaka 2027, bila kujumuisha wale wanaoathiriwa na vita vya Mashariki ya Kati.

Haya ni kwa mujibu wa makadirio mapya ya shirika la misaada la Denmark, Baraza la Wakimbizi la Denmark (DRC), ambayo yanaonyesha ongezeko kubwa la watu wanaokimbia vita na ukatili duniani.

Katibu Mkuu wa shirika hilo, Charlotte Slente, anasema makadirio hayo hayajumuishi walioathiriwa na mgogoro unaoendelea Mashariki ya Kati, ambako mapigano mapya yanaendelea kusababisha maelfu kuhama makazi yao.

Baraza la Wakimbizi la Denmark linaongeza kuwa tayari kuna zaidi ya watu milioni 117 waliotawanywa duniani, na hali inazidi kuwa mbaya kutokana na kupungua kwa ufadhili wa misaada ya kibinadamu.

Katika nchi tano zilizokuwa na idadi kubwa zaidi ya watu waliokimbia makazi mwaka 2025—Ukraine, Myanmar, Sudan Kusini, Nigeria na Mali—ufadhili wa juhudi za amani ulipungua kwa wastani wa asilimia 23 mwaka 2024.