Uganda kupiga kura Alhamisi, Museveni akijiandaa kurejea

Rais Museveni aliyepo madarakani tangu mwaka 1986 anawania awamu ya 7, na kukaribia miongo mitano ya kutawala. Hata hivyo anakabiliwa na upinzani mkali kutoka kwa Bobi Wine anayewakilisha kundi la vijana wanaoshinikiza mageuzi ya kisiasa.

Wagombea wengine sita wanawania nafasi ya urais kwenye taifa hilo la Afrika Mashariki lenye karibu watu milioni 45, na kulingana na Mamlaka za uchaguzi, watu milioni 21.6 wamejiandikisha kupiga kura.

Wachambuzi wanasema kuna uwezekano mkubwa kwa Museveni mwenye miaka 81 kurejea madarakani, huku mwanawe wa kiume na mkuu wa majeshi Jenerali Muhoozi Kainerugaba akitarajiwa kurithi madaraka kutoka kwa baba yake.