Bayern yawaalika Chelsea, Frankfurt wenyeji wa Galatasaray

Mechi hiyo itakayochezwa katika uwanja wa nyumbani wa Bayern itawampatanisha mchezaji aliye kwa mkopo Bayern Nicolas Jackson na klabu yake ya Chelsea.

Kocha wa Bayern Vincent Kompany na washambuliaji wake Harry Kane, Luis Diaz na Michael Olise wanaifahamu vyema Chelsea kutokana na kuwa waliwahi kucheza kwa muda mrefu katika ligi kuu ya nchini humo katika vilabu vya Manchester City, Tottenham Hotspur, Liverpool na Crysital Palace.

Kwengineko timu nyengine ya Ujerumani Eintracht Frankfurt itakuwa mwenyeji wa Galatasaray ya Uturuki siku ya Alhamis.

Kocha wa Frankfurt Dino Toppmöller amewaambia wachezaji wake wafurahie mashindano hayo ya vilabu bora zaidi Ulaya.

Frankfurt wana mechi ngumu za makundi ambapo watakuwa wanakwaana pia na Liverpool, Napoli, Barcelona, Tottenham Hotspur na Atletico Madrid.

Hii ndiyo mara ya kwanza kwa Frankfurt kushiriki mashindano hayo katika historia yao baada ya kumaliza katika nafasi ya tatu kwenye Bundesliga msimu uliopita.

Bayer Leverkusen, mwakilishi mwengine wa Ujerumani atakuwa Copenhagen, nchini Denmark siku ya Alhamis kupambana na FC Kobenhavn.