Negociatat për emrin vazhdojnë | Ballkani | DW | 15.04.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Negociatat për emrin vazhdojnë

Në këtë fundjavë në Shkup do të qëndrojë ndërmjetësi i OKB-së për zgjidhjen e kontestit të emrit midis Maqedonisë dhe Greqisë, Metju Nimic.

Mathew Nimitz në Shkup

Mathew Nimitz në Shkup

Metju Nimic do të kërkojë nga autoritetet e Shkupit vazhdimin e negociatave me Athinën për gjetjen e zgjidhjes së pranueshme për emrin për të dyja palët. Deklarata e ministres së punëve të jashtme të Greqisë, Dora Bakojani, se Athina do të përdorë veto për marrjen e datës së fillimit të negociatave për antarësim të Maqedonisë në BE, nëse deri në fund të këtij viti nuk gjendet zgjidhje për çështjen e emrit, ka trazuar shpirtrat në Maqedoni. Ambasadori i Maqedonisë, i cili njëherit është edhe negociator për çështjen e emrit, Nikolla Dimitrov, thotë se për në një sukses të plotë në negociatat për emrin kushtetues është e nevojshme miratimi i një platforme shtetërore mbi partiake e përbërë prej të gjithë aktorëve relevantë në vend.

"Derisa platforma nuk siguron mbështetje të gjerë, atëherë partitë politike duhet të dalin me alternativat e mundshme të cilat nuk e antarësojnë Maqedoninë në NATO dhe BE, nëse mund të ekzistojë alternativë e tillë," thotë Dimitrov. Gjithnjë sipa tij pika kyçe kryesore në këtë platform duhet të jetë çështja e identitetit. "Linja e kuqe e cila në asnjë moment nuk duhet të tejkalohet është kombi dhe gjuha maqedonase, sepse pa këto dy atribute nuk ka ardhmëri për maqedonasit," shprehet ambasadori Dimitrov.

Për ekspertët e marrëdhënieve ndërkombëtare, zgjidhja e çështjes së emrit më mirë mund të ketë epilog pas samitit të Bukureshtit. "Zgjedhjet e parakohshme nuk do ta dëmtojnë procesin e negociatave, sepse pas tyre tani qëndrojnë SHBA-të dhe NATO-ja," thotë profesori universitar Vllado Popovski.

Analisti i çështjeve ndërkombëtare, Mahi Nesimi thotë se në Maqedoni pas samitit të NATO-s në Bukuresht është krijuar një klimë më reale për zgjidhjen e kontestit të emrit. "Natyrisht, mjaft mirë ka ndikuar edhe sqarimi plotësues se me ndërrimin e emrit të shtetit nuk cënohet identiteti dhe gjuha kombëtare e maqedonasve,"-thotë Nesimi.

  • Data 15.04.2008
  • Autor Fatos Musliu / Shkup
  • Shtypni Shtypeni faqen
  • Permalink https://p.dw.com/p/DiF2
  • Data 15.04.2008
  • Autor Fatos Musliu / Shkup
  • Shtypni Shtypeni faqen
  • Permalink https://p.dw.com/p/DiF2