″Do të kemi mundësinë që të shihemi së shpejti pranë kutive të votimit″ | Evropa | DW | 20.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

"Do të kemi mundësinë që të shihemi së shpejti pranë kutive të votimit"

Presidenti rumun i shkarkuar, Trajan Bashesku akuzohet se ka shkelur rëndë kushtetutën. Ai hedh poshtë akuzat e ngritura.

Trajan Bashesku

Trajan Bashesku

Parlamenti rumun votoi për shkarkimin e presidentit, Trajan Bashesku (Traian Basescu ) nga posti. 332 deputetë dhe senatorë votuan për një referendum për shkarkimin e Basheskut, ndërsa 101 votuan kundër.

Kritikët e akuzojnë presidentin rumun, se ka ndërhyrë fort në politikën e brendshme duke i tejkaluar kompetencat e tij. Sipas komisionit hetimor, Bashesku, i cili ndodhet në post që në vitin 2004, ka shkelur rëndë kushtetutën në 19 raste të dëshmuara. Ai akuzohet gjithashtu se ka dështuar në rolin e tij si ndërmjetësues dhe ka mbrojtur interesat e mafias.

Bashesku i hedh poshtë këto akuza dhe përforcoi edhe njëherë synimet e tij ndaj postit të presidentit. Para mijëra demonstruesve në Bukuresht, Bashesku u shpreh: "Do të kemi mundësinë që të shihemi së shpejti tek kutitë e votimit". Turma ndërkohë brohoriste "Mos jep dorëheqjen", "Ne të duam".

Para votimit në parlament 55 vjeçari kumtoi se do të japë dorëheqjen, në rast se deputetët do ta suspendojnë. Sfondi i krizës ka të bëjë me grindjen e vazhdueshme mes Basheskut dhe kryeministrit, Kalin Popesku Traiçenau.

  • Data 20.04.2007
  • Autor DW
  • Shtypni Shtypeni faqen
  • Permalink https://p.dw.com/p/Ar8J
  • Data 20.04.2007
  • Autor DW
  • Shtypni Shtypeni faqen
  • Permalink https://p.dw.com/p/Ar8J