Berlini akuzon Moskën për sulm kibernetik

Qeveria gjermane fajëson Rusinëpër sulme kibernetikedhe dezinformim. Incidentet e fundit i janë atribuar qartë shërbimit të inteligjencës ushtarake ruse GRU, tha një zëdhënës i Ministrisë së Jashtme në Berlin të premten (12.12.2025). Ndaj Ministria e Jashtme thirri ambasadorin rus të premten në mëngjes.

"Ne kemi vërejtur një rritje masive të aktiviteteve kërcënuese hibride nga Rusia për një kohë të caktuar", tha zëdhënësi. "Këto variojnë nga fushatat e dezinformimit deri te spiunazhi dhe sulmet kibernetike, si dhe përpjekjet e sabotimit." Qëllimi është "të përçajë shoqërinë, të mbjellë mosbesim, të provokojë dhe të dobësojë besimin në institucionet demokratike."

Rusia "po kërcënon shumë konkretisht sigurinë"

Përfaqësuesit rus në Berliniu bë e qartë gjatë bisedës se Gjermaniapo monitoron aktivitetet e Rusisë "nga afër" dhe po ndërmerr veprime kundër tyre. Rusia po kërcënon sigurinë, por Gjermania po merr "një sërë kundërmasash në koordinim të ngushtë me partnerët evropianë që Rusia të paguajë për veprimet e saj hibride". Qeveria gjermane mbështeti sanksione të reja, duke përfshirë ndalimet e udhëtimit, ngrirjen e aseteve dhe ndalimet për ofrimin e burimeve ekonomike.

Sulmi kibernetik ndaj kontrollit të trafikut ajror gjerman në gusht 2024 i është atribuar grupit të hakerëve APT28, të njohur si "Fancy Bear. Ndërsa përgjegjësia është e shërbimit të inteligjencës ushtarake ruse, GRU, vazhdoi zëdhënësi i Ministrisë së Jashtme. Për më tepër, tani mund të "deklarohet përfundimisht" se Rusia u përpoq "të ndikonte dhe destabilizonte si zgjedhjet e fundit federale ashtu edhe punët e brendshme të Republikës Federale të Gjermanisë". Zëdhënësi foli për "prova absolutisht të pakontestueshme" në lidhje me autorët.

Informacionet e besueshme

Lidhur me fushatën "Stuhia 1516", ka "informacion të besueshëm" se qendra e sulmit ishte me bazë në Moskë. Qendra për Ekspertizë Gjeopolitike, dhe lëvizja Shqiponja me Dy Krerë qëndrojnë pas saj, vazhdoi deklarata. Ata mbështeten nga shërbimi i inteligjencës ushtarake ruse, GRU.

Analiza nga shërbimet e inteligjencës gjermane zbuloi se fushata shpërndau "raporte pseudo-hetimore të gjeneruara artificialisht, sekuenca imazhesh të rreme", faqe interneti të gazetarëve të rremë dhe deklarata të fabrikuara dëshmitarësh në platforma të ndryshme.

Për t'iu kundërvënë kërcënimeve të ardhshme, Gjermania po planifikon një platformë të re për "shkëmbim mes shërbimeve dhe koordinim të masave për t'iu kundërvënë kërcënimeve hibride". Kjo do të përfshijë edhe krijimin e një pasqyre të situatës dhe vlerësimin e incidenteve individuale.

Duke filluar nga janari 2026, udhëtimet ndërkufitare të diplomatëve rusë brenda Zonës Shengen do të monitorohen, tha zëdhënësi i Ministrisë së Jashtme. "Qëllimi është të lehtësohet shkëmbimi më i mirë i informacionit dhe të minimizohen rreziqet e inteligjencës." Janë planifikuar edhe kufizime të mëtejshme dypalëshe për personelin diplomatik rus, por nuk janë dhënë detaje për këtë.