Rasha na neman kyautata hulda da Afirka

A taron kwanaki biyu da aka yi tsakanin Rasha da kasashen Afirka, an cimma yarjeniyoyi da dama tsakanin sassan biyu na huldar kasuwanci da kuma al'amuran da suka shafi fasahar nukiliya da yawon bude ido. Rasha ta bayyana irin rawar da za ta taka a Afirka a cikin jadawalin taron. Za ta iya taimaka wa wajen bunkasar Afirka, ta fuskar tattalin arziki da tsaro, kamar yadda yake kunshe a jadawalin taron.