1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Taron hadin gwiwa tsakanin Rasha da Afirka

Binta Aliyu Zurmi
October 23, 2019

A karon farko shugaba Vladimir Putin ya karbi bakuncin shugabannin kasashen Afirka a taron hadin gwiwa tsakanin Rasha da Afirka da nufin bunkasa kasuwanci da tattalin arziki a tsakanin nahiyoyin biyu.

https://p.dw.com/p/3Rme0
Sotschi Russland-Afrika Gipfel Ägypten
Hoto: picture-alliance/dpa/S. Fadeichev

Moscow dai na neman yin tasiri a wannan nahiya da tuni China da kasashen yammaci na Turai suka  dade suna hulda a tsakaninsu.

Wakilai sama da 3000 da ke halartar taron na yini biyu da ke gudana a birnin Sochi, za su yi mahawadomin cimma yarjeniyoyi akan batutuwan da suka shafi makamashin nukiliya da hako ma'adinan karkashin kasa.

Shugaban kasar Masar AbdulFattah al Sisi da ke zama shugaban kungiyar tarayar Afirka na cikin manyan baki da ke halarta wannan taron, a yayin da ake saran dukkan kasashe 54 na nahiyar zasu samu wakilci, 43 daga cikinsu shugabanin kasashe ne ko gwamnatoci 

Duk da cewa Rasha bata da wata babbar dangantaka da kasashe kamar su Najeriya da Ghana, suma shugabanninsu na halarta taron a cewar mai bada shawara a fadar Kremlin Yuri Ushakov.