Abu Namu: Sana′ar karuwanci ta matan Najeriya a Jamus | Zamantakewa | DW | 13.01.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Zamantakewa

Abu Namu: Sana'ar karuwanci ta matan Najeriya a Jamus

A titin da ake kira Vulkanstrasse a birnin Duisburg na Jamus, fitaccen wuri ne na dandazon 'yan matan Najeriya da ake fataucinsu zuwa Jamus da sunan aiki da amma ake tilasta wa shiga karuwanci.

Afrika Nigeria Prostitution Flash-Galerie (picture-alliance / Ton Koene)

A kullum ana samun karuwar matan da ke zuwa Jamus daga Najeriya, akasarinsu wadanda aka yi simogarsu a cewar Barbara Wellner ta Solwodi, wata kungiya da ke taimaka wa 'yan matan da aka shigo da su ta hanyar fatauci da kuma tilasta su karuwanci. 

A cewar Babara dai yawancin wadanda ke da hannu a irin wannan mummunan kasuwancin bil'adama mata ne, a wasu lokuta ma dangin yaran. A matsayin doka a harkar, sukan yi aiki a madadin sauran 'yan Najeriya da ke jan ragamar fataucin a irin kasashen da za a kai yara matan.

Wadannan masu fataucin mutane kan hari irin wadannan yara tun daga yankunansu na asali, sannan a yi karba-karba da su, daga bisani su iso cikin hannun manyan da ake kira "Madams" a Jamus

 

 

Sauti da bidiyo akan labarin