WHO yasitisha huduma zake kwa muda Beni | Matukio ya Afrika | DW | 26.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Huduma ya eboka kusitishwa Congo

WHO yasitisha huduma zake kwa muda Beni

Shiririka la afya ulimwenguni, WHO lilitangaza tangu jana Jumanne kusitisha kwa muda shughuli zote za kutoa huduma kwa wakaazi katika wilaya ya Beni inayoathiriwa na ugonjwa hatari wa Ebola.

Tangazo hilo limesababisha wasiwasi mkubwa miongoni mwa raia wanaoishi katika miji ya Butembo na Goma eneo ambako kampeni za kujilinda na maradhi ya Ebola zimekuwa zikiendeshwa.  

Mkuu wa operesheni za dharura za WHO barani Afrika Yao Michel amesema uamuzi huo umechukuliwa baada ya vijana waendesha bodaboda kuliunguza gari la wahudumu wa kupambana na Ebola Jumatatu wiki hii, ambapo wanne miongoni mwao walijeruhiwa, na gari hilo kuteketea.  

Michel ameiambia DW kuwa huduma za shirika lake zitaanzishwa tena pale hali ya usalama itakapoboreka. Wakazi wa wilaya ya Butembo wameiomba serikali ya Kongo kuingilia katikurejesha huduma dhidi ya Ebola na kuuzuia ugonjwa huo kusambaa zaidi.

Chanzo: Reuters