Vurugu zimezuka Libya | Matukio ya Kisiasa | DW | 06.03.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Vurugu zimezuka Libya

Mapigano makali yamezuka kati ya waasi na vikosi vya serikali katika mji wa Zawiya uliopo magharibi mwa Libya, kiasi ya kilomita 50 magharibi mwa mji mkuu Tripoli.

default

Waasi na vikosi vya Gaddafi wote wadai ushindi mjini Zawiya.

Waasi walidai ushindi katika mji huo wa Zawiya. Lakini vikosi vinavyomuunga mkono Kanali Maummar Gaddafi waliwashambulia tena baadaye. Karim al Gawhary ni mwandishi habari aliyepo katika eneo la Benghazi, lililodhibitiwa na waasi.

Libyen Aufstände Proteste

Idadi ya watu waliofariki kwenye mapigano hayo ya Zawiya haikujulikana mara moja, lakini wakaazi wanasema yalikuwa ni mauaji ya halaiki. Maafisa wa hospitali wamesema kiasi ya watu 30 wameuwawa katika mapigano ya awali mjini humo. Wakati huo huo, waasi hao sasa wanadai kuudhibiti mji uliopo pwani na ulio na utajiri wa mafuta, Ras Lanuf, jambo linalozidisha udhibiti wao wa maeneo yaliopo mashariki mwa nchi hiyo.

Upinzani Libya

Wakati huo huo vikosi vya upinzani nchini humo vimetoa wito kwa jumuiya ya kimataifa kushinikiza marufuku ya ndege kutoruka katika anga za nchi hiyo. Baraza la kitaifa lililoundwa hivi karibuni linalonuia kutoa sura ya kisiasa kwa waasi wa kiongozi wa nchi hiyo, Kanali Muammar Gaddafi, pia walitoa wito wa kufungwa viwanja vya ndege kusini mwa nchi hiyo ambapo mamluki wanasemekana kuingia.

Libyen Evakuierung in Tripolis Flughafen

Raia wengi wamekusanyika katika uwanja wa kimataifa wa ndege Libya.

Baraza hilo la kitaifa linasema limekuwa likiwasiliana na balozi za nchi hiyo kote ulimwenguni kutafuta uungwaji mkono wa uasi huo. Kiongozi wake, aliyekuwa Waziri wa Sheria, Mustafa Abdel Jalil amekiambia kituo cha televisheni ya kiarabu ya Al Jazeera kuwa anatarajia nchi kadhaa za nje zenye nguvu kulitambuwa hivi karibini baraza hilo kama serikali halali ya mpito.

Mwandishi: Maryam Abdalla/ Dpa, Rtr
Mhariri:Grace Patricia Kabogo.

DW inapendekeza

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com