Mpango wa kuwahudumia wakimbizi Uganda wakumbwa na ufisadi | Matukio ya Afrika | DW | 30.11.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Mpango wa kuwahudumia wakimbizi Uganda wakumbwa na ufisadi

Uchunguzi umebaini ufisadi wa mamilioni ya dola na ukosefu wa uwajibikaji katika mpango wa kuwahudumia wakimbizi Uganda.

Uchunguzi wa Umoja wa Mataifa kuhusu mpango wake uliopongwezwa sana  juu ya wakimbizi  nchini Uganda, umegundua ufisadi wa mamilioni ya dola na kutowajibika.

Ripoti ya idara ya ukaguzi wa huduma za ndani ya Umoja huo, umeonesha malipo yalioongezwa hesabu, rushwa na udanganyifu, huku sheria zikikiukwa na kusababisha hasara kwa Shirika linalowahudumia wakimbizi la Umoja wa Mataifa.

Uganda  inawahifadhi zaidi ya wakimbizi milioni moja ambao wameikimbia Sudan Kusini, Jamhuri ya Kidemokrasi ya Congo na kutoka nchi nyengine.

Nchi hiyo imekuwa ikipongezwa kwa kuwa sera yake ya kuwafungulia milingo wakimbizi na kuwaruhusu kuwa na uhuru wa kutembea nchini humo, kuweza kupata huduma za afya, pamoja na ardhi ndogo kwa ajili kilimo na makazi.

Shirika hilo la Ukaguzi la Umoja wa Mataifa limechunguza shughuli za Shirika  linalowahudumiwa wakimbizi la Umoja wa Mataifa -UNHCR nchini Uganda  kwa miezi 18 kuanzia Julai 2016.

Matangazo

IJUE DW

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com