1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
IranMzozo wa Kongo MasharikiMzozo wa Israel na Hamas
Sauti zetuVidio zetu
Siasa

Marekani ina matumaini ya kufikia makubaliano na Iran

Saumu Njama
16 Aprili 2026

Marekani ina matumaini ya makubaliano na Iran huku mazungumzo mapya ya amani yakipangwa Pakistan, wakati mvutano kuhusu vikwazo, urani na usalama wa njia za mafuta ukiongezeka.

https://p.dw.com/p/5CGhh
Iran Teheran 2026 |
Waziri wa Mambo ya Nje wa Iran, Abbas Araghchi (katikati‑kulia), anakutana na Mkuu wa Jeshi la Pakistan, Jenerali Syed Asim Munir (katikati‑kushoto), aliyewasili kuwasilisha ujumbe kutoka Marekani na kupanga duru ya pili ya mazungumzo kati ya nchi hizo mbili.Picha: Iranian Foreign Ministry/Anadolu/picture alliance

Marekani imesema ina matumaini ya kufikiwa kwa makubaliano na Iran huku ikiendelea kujadili uwezekano wa duru ya pili ya mazungumzo ya amani, ambayo huenda yakafanyika nchini Pakistan.

Kwa mujibu wa maafisa wa Marekani, mazungumzo hayo yanaweza kufanyika katika mji mkuu Islamabad, kufuatia juhudi mpya za kidiplomasia zinazolenga kumaliza mvutano kati ya Iran, Marekani na Israel.

Ujumbe wa Pakistan umefika Tehran ukiwasilisha ujumbe mpya kutoka Washington, baada ya duru ya kwanza ya mazungumzo kushindwa wiki iliyopita.

Wakati huo huo, Israel imesisitiza malengo yake ya kuondoa uwezo wa Iran wa kurutubisha urani na kufungua tena Mlango-Bahari wa Hormuz, eneo muhimu kwa usafirishaji wa mafuta duniani.

Huku mvutano ukiongezeka, Marekani imeongeza vikwazo dhidi ya sekta ya mafuta ya Iran, wakati Tehran ikionya kuwa haitaruhusu meli yoyote kupita katika Ghuba ya Uajemi, Bahari ya Oman au Bahari ya Shamu endapo vizuizi havitaondolewa.