Israel yashambulia Gaza na maeneo ya kusini mwa Lebanon

Chanzo cha usalama cha Lebanon kimebaini kuwa angalau milipuko mitatu ilisikika alfajiri ya leo baada ya ndege za Israel kulenga mashamba viungani mwa kambi ya wakimbizi wa Kipalestina ya Rashidiyeh karibu na mji wa Tiro kusini mwa Lebanon.

Jana,  Israel ilisema, ilinasa na kuharibu makombora 36 yaliyorushwa kutoka Lebanon ikiwa ni moja ya mashambulizi makubwa zaidi kuwahi kushuhudiwa tangu mwaka 2006. Ujumbe wa Umoja wa Mataifa wa kulinda amani nchini Lebanon (UNIFIL) umetoa wito kwa pande zote kusitisha mashambulizi.