Vepra të jashtëzakonshme të arkitektëve gjermanë
Arkitektët gjermanë venë dorë kudo në botë: Nga kopshti botanik i Shangait deri tek spitali i Shën Peterburgut në Rusi. Ekspozita „Arkitekturë Kontemporane - Made in Germany“ në Paris paraqet 40 vepra arkitekturore.
Gjykata në Arabinë Saudite
Arkitektura e ndërtesave i jep profilin një qyteti. Prandaj edhe arkitektët kanë nevojë si për dije ashtu edhe shije estetike dhe sens kulturor. Në Riad, në Arabinë Saudite, arkitektët e “Albeert Speer&Partners” kanë bërë planet e disa ndërtesave publike, si Kabaja, kompleksi i gjykatës. Kjo gjykatë është njëra nga 40 projektet e paraqitura në eskpozitën “Arkitektura Kontemporane-Made in Germany.”
Qendër spitalore në Rusi
Në metropole luan një rol të rëndësishëm kujdesi shëndetësor. Nickl&Partner i dhanë jetë dimensioneve të mëdha. Qendra spitalore e Shën Peterburgut bashkon spitalin me shkencën e mjekësisë si edhe universitetin. Ndërtesa përfundoi në vitin 2013 e mund të përdoret si për qëllime civile ashtu si spital ushtarak.
Kopshti botanik Çen-Shan në Kinë
Kush thotë arkitekturë, duhet ta pasojë këtë edhe me dekorimin e kopshteve. Zyra arkitekturore e Auer Weberit nga Mynihu formësoi kopshtin botanik për EXPO 2010 në Shangai. Kopshti pej 207 hektarësh tregon se qytetet e gjelbra janë të preferuara –sidomos kur më shumë se gjysma e njerëzve sot jeton në qytete. Në Shangai jetojnë 23 milionë vetë.
Kioskë me panele diellore në Etiopi
Gjermanët shihen si praktiktë dhe efiçientë. Tek kjo kioskë provohet mjaft mirë kjo. Arkitektët e GRAFT skicuan Kioskën Solare 2012 në Etiopi. Panelet diellore në çati ofrojnë rrymë elektrike për nevojat e kioskës. Vetë kioska është konceptuar si portative dhe pjesët e saj montohen në vend. Aty shiten telefonë, llampa dhe pije.
Biblioteka Kombëtare në Arabinë Saudite
Arkitektët e zyrës Gerber ndërtuan në vitin 2013 Bibliotekën Kombëtare të Mbretit Fahad në Riad. Ndërtesa evokon traditën lokale, ndërkohë që ndërtesa e vjetër vazhdon të qendrojë në brendësi. Fasada e jashtme është konceptuar me ornamente orientale, por me një konstrukt metali dhe qelqi. Kupola e bibliotekës së vjetër u rinovua dhe vazhdon të qendrojë kështu si simbol kulturor.
Kompleksi i banimit Vesnovka në Kazakistan
Arkitektët e zyrës „Braun Schlockermann Dreesen“ morën parasysh në konceptimin e ndërtesës tërmetet e shpeshta në qytet. Projekti përbëhet nga dy ndërtesa 16 katëshe dhe katër 9 katëshe, të cilat kanë të integruara qendra tregtare në katin përdhes. Dizajni krijon lidhje me qethjen tradicionale të burrave kazakë.
Biblioteka Kombëtare në Kinë
Arkitektët nga Frankfurti „KSP-Jürgen Engel“ konceptuan një bibliotekë gjigande. Në ndërtesën e Bibliotekës Kombëtare të Pekinit duhej të gjenin vend 2000 përdorues dhe 12 milionë libra. Edhe ky projekt nga viti 2008 përpiqet të lidhë traditën me modernen. Xhami simbolizon kohën e sotme moderne, por edhe vazhdimësinë e historisë dhe traditës së lashtë kineze.
Maidar Eco City në Mongoli
Ky qytet ende i papërfunduar ndodhet në jug të kryeqytetit mongol Ulan Bator. Projekti i zyrës arkitekturore nga Këlni, RSAA, mban emrin e Budës të së ardhmes, Maitreva. Statuja 54 metra e lartë rrethohet nga qendra e qytetit – ku nuk kalojnë automjetet, një qendër miqësore ndaj mjedisit. Ky projekt u bë i nevojshëm pas ngulimit të shumë ish-nomadëve dhe mendohet të përfundojë në vitin 2016.