Papa lufton me vdekjen

"Ne vetëm mund të lutemi". Ministri italian i bujqësisë Xhovani Alemano ju përket mijërave besimtarëve që janë mbledhur të luten për shëndetin e papës në sheshin e Shën Pjetrit. Shumë vënë kurora lulesh dhe gjunjëzohen për tu lutur. Alemano thotë: "Ne jemi të gjithë të tronditur". Shumë vetë që dëgjuan lajmet në radio për gjendjen e rëndë shëndetësore të papës u nisën menjëherë drejt Vatikanit. Policia pret me mijëra besimtarë që të mbërrijnë drejt sheshit të Shën Pjetrit. Për këtë arsye ajo ka bërë të ditur se turmat e pritura të njerëzve do të priten në aeroporte dhe stacione, në mnëyrë që të mos ketë ngarkesë në Vatikan. Ditën e sotme dhe fotografët e gazetarët u mbajtën larg sheshit të Shën Pjetrit me qëllim që ai t'u përkasë tërësisht besimtarëve. Uniformat e Gardës zvicerane kanë qëndruar në hyrje të portës me kolona. Tradicionalisht sheshi bllokohet kur vdes një papë. Edhe partitë italiane kanë shtyrë disa mitingje të parashikuara për ditën e dielë dhe të hënë. Për këtë ranë dakord kryeministri italian Silvio Berluskoni edhe kryetari i opozitës, Romano Prodi. Besluskoni hoqi nga axhenda e punës të gjitha vizitat e parashikuara për ditën e premte.