Суд па зыску Міністэрства юстыцыі да Беларускага Хельсінскага камітэту пачнецца 13 чэрвеня

13 чэрвеня пройдзе першае паседжанне Вярхоўнага суду Беларусi па зыску Мiнiстэрства юстыцыi да Беларускага Хельсiнскага камiтэту. Мiністэрства патрабуе прыпынiць дзейнасць праваабарончай арганiзацыi да 1 верасня. Да гэтай даты БХК мусiць сплацiць дзяржаве 75 тысячаў даляраў, якiя налiчыла падаткавая iнспекцыя. Менавiта столькi, па пераканнi падаткавай iнспекцыi, БХК мусiць сплацiць дзяржаве ў якасцi падаткаў з тэхнiчнай дапамогi, аказанай у рамках праграмы ТАСIС, якую БХК атрымаў у 2002-2003 гадах. Паводле дамовы памiж Еурапейскiм Саюзам i Беларуссю, тэхнiчная дапамога не абкладаецца падаткамi. Гэта пацвердзiла i Мiнiстэрства замежных справаў. Мiнiстэрства фiнансаў, у сваю чаргу, заявiла, што палажэннi мiжнародных дамовау мусяць быць прадубляваныя беларускiм заканадаўствам. Аднак Камiтэт фiнансавых расследаванняў па Мінску i Мінскай вобласцi спынiў крымiнальную справу супраць старшынi i галоўнага бухгалтара БХК па абвiнавачаннi ў нявыплаце падаткаў.