Mayar da Jamusawa mayakan IS gida | Labarai | DW | 04.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Mayar da Jamusawa mayakan IS gida

Hukumomin a kasar Turkiyya sun bukaci kasar Jamus da ta karbi 'yan asalin kasarta 20 mayakan kungiyar IS da dakarun Turkiyya suka kama a arewacin kasar Siriya.

A wata hira da jaridar Stuttgarter Nachrichten ta kasar Jamus, daraktan yada labaran shugaban Turkiyya ya bayyana cewa kasarsa na bukatar cikakkiyar hulda madaidaiciya da kawayenta wajen yaki da ta'addanci, a yayin da shi kuwa ministan harkokin cikin gidan Turkiyya Suleyman Soylu ya yi kakkausar suka ga kasashen Turai dangane da batun yaki da ta'addanci, inda ya bayyana cewa Turkiyya ba wani hotel din mambobin kungiyar IS da suka fito daga kasashen waje ba. Kalaman dai na zuwa ne a yayin da dakarun Turkiyya da kawayenta suka kama 'yan kasar Jamus hudu dukkaninsu mayakan jihadi na kungiyar IS a arewacin Siriya farkon watan jiya, baya ga wasu 16 da tuni suke hannun jami'an n a kasar Turkiyya.