Harin Najeriya bisa kuskure a Nijar | Labarai | DW | 20.02.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Harin Najeriya bisa kuskure a Nijar

An kashe yara guda bakwai kana wasu biyar suka jikkata a wani harin kuskure ta jiragen sama na yaki da rundunar sojojin Najeriya ta kai a kan iyaka da Nijar a Jihar Maradi.

Gwamna Jihar Maradi Chaibu Abubakar ya ce harin wanda dakarun Najeriya suka kai bisa kuskure kan zaton cewar 'yan fashin daji ne, ya faru a garin Nachade da ke a yankin Madarounfa da ke kan iyaka da Najeriya. Yankunan da dama da ke cikin Jihar Maradi wadanda ke kan iyaka da Najeriya na fuskantar hare-hare na 'yan fashin dajin.