UN: Walinda amani washambuliwa Mali | Matukio ya Afrika | DW | 29.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

UN: Walinda amani washambuliwa Mali

Mashambulizi 4 yamefanyika dhidi ya wanajeshi wa kulinda amani wa Umoja wa Mataifa katika mkoa wa Kidal ulioko kaskazini mwa Mali

Umoja wa Mataifa umesema kuwa mashambulizi manne yamefanyika dhidi ya wanajeshi wa kulinda amani wa umoja huo katika mkoa wa Kidal ulioko kaskazini mwa Mali, ingawa hakuna waliouawa au kujeruhiwa.

Msemaji wa Umoja wa Mataifa, Stephane Dujarric amesema kambi tatu za umoja huo katika maeneo ya Aquelhok, Tessalit na Kidal zilishambuliwa kwa roketi na makombora.

Amesema uchunguzi unaendelea kuwabaini waliohusika na mashambulizi hayo. Dujarric amesema wanajeshi waliokuwa katika doria kwenye mji wa Kidal walishambuliwa Jumanne asubuhi na kwamba mashambulizi hayo ni sawa na uhalifu wa kivita kulingana na sheria za kimataifa.

Kikosi hicho chenye wanajeshi 11,000 wa kulinda amani nchini Mali kimekuwa kikifanya kazi katika mazingira ya hatari zaidi duniani, ambapo mara kwa mara kinashambuliwa na wanamgambo wenye itikadi kali za Kiislamu katika eneo hilo la kaskazini.

Matangazo

IJUE DW

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com