Papa Leo aongoza Misa yake ya kwanza ya Jumapili ya Matawi

Kwenye hotuba yake Papa Leo alisema Mungu hasikilizi sala za viongozi wanaoanzisha vita na walio na "mikono iliyojaa damu".

Sherehe hii inaashiria mwanzo wa Wiki Takatifu, ambapo Wakristo hukumbuka mateso na kifo cha Yesu Kristo kabla ya kusherehekea ufufuo wake siku ya Pasaka. Hii ni Pasaka ya kwanza kwa Papa Leo XIV tangu achaguliwe Mei mwaka jana.

Katika ratiba yake, ataongoza ibada ya Alhamisi Kuu pamoja na ibada ya kuosha miguu, kisha kushiriki Ijumaa Kuu katika njia ya msalaba kwenye Ukumbi wa Colosseum.

Maadhimisho yatahitimishwa na misa kubwa ya Pasaka Jumapili, ikifuatiwa na baraka ya "Urbi et Orbi” kwa dunia nzima.