1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
IranMzozo wa Kongo MasharikiMzozo wa Israel na Hamas
Sauti zetuVidio zetu
SiasaKimataifa

Marekani yaahidi dola bilioni 2 za msaada kwa mipango ya UN

Tatu Karema
30 Desemba 2025

Marekani imetoa ahadi ya kiwango cha dola bilioni 2 kufadhili mipango ya misaada ya kibinadamu ya Umoja wa Mataifa. Wizara ya mambo ya nje imesema ahadi hiyo ni sehemu ya mtazamo mpya wa ufadhili wa Marekani.

https://p.dw.com/p/567DX
Marekani Palm Beach 2025 | Donald Trump
Rais wa Marekani Donald Trump akikutana na waziri mkuu wa Israel Benjamin Netanyahu huko Mar-a-Lago mnamo Desemba 29, 2025Picha: Alex Brandon/AP Photo/picture alliance

Wizara ya mambo ya nje ya Marekani imesema mkataba wa maelewano unaoelezea mtazamo mpya wa ufadhili ulitiwa saini Geneva hapo jana.

Hayo ni wakati utawala wa Rais Donald Trump ukipunguza misaada ya kigeni ya Marekani na kuyaonya mashirika ya Umoja wa Mataifa kwamba yanapaswa "kubadilika au kuangamia katika wakati ambao kunashuhudiwa changamoto mpya za kifedha.

Waziri wa mambo ya nje wa Marekani Marco Rubio, amesema makubaliano hayo yanabadilisha kwa kiasi kikubwa jinsi mipango ya Marekani inafadhili na kusimamia shughuli za kibinadamu za Umoja wa Mataifa, kuhakikisha kwamba maisha zaidi yanaokolewa kwa kutumia kiasi kidogo cha ufadhili.

Kwa upande wake, mratibu wa Misaada ya Dharura ya Umoja wa Mataifa Tom Fletcher aliishukuru Marekani kwa kujitolea kwake kwa shuguli za kibinadamu.