Kiongozi wa Hamas kufanya mazungumzo na Rais wa Uturuki

Alipohojiwa jana na waandishi habari kuhusu ajenda ya mkutano wake na kiongozi huyo wa Hamas, Erdogan alisema ajenda hiyo itabaki kuwa kati yao wawili.

Juhudi za Erdogan za kuwa mpatanishi katika mzozo huo wa Palestina hazijafanikiwa hadi sasa.

Erdogan ameapa kusimama na Palestina 

Lakini baada ya Qatar kusema kuwa ingelifanyia tathmini jukumu lake kama mpatanishi kati ya Hamas na Israel, siku ya Jumatano, Erdogan alimtuma waziri wake wa mambo ya nje, Hakan Fidan, kwenda mjini Doha kama ishara mpya kwamba analitaka jukumu hilo.

Erdogan amedai kuwa angeliendelea kuitetea Palestina na raia wake wanaokandamizwa hata kama atabakia peke yake.