Hasara ya nusu mwaka ya Kenya Airways imezidi maradufu | Matukio ya Afrika | DW | 28.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Matukio ya Afrika

Hasara ya nusu mwaka ya Kenya Airways imezidi maradufu

Shirika la ndege la Kenya (Kenya Airways) lapata hasara kubwa ya nusu mwaka ya kiasi cha dola milioni 83 kabla ya kodi

Kenya Airways Boeing 737-800, vermisstes Flugzeug (AP)

Shirika la ndege la Kenya, ambalo linataifishwa tena kulinusuru kutokana na madeni yanayozidi kulielemea, limeshuhudia hasara yake ya nusu mwaka kabla ya kodi ikiongezeka maradufu kutoka kipidi cha mwaka uliyopita, na kufikia dola milioni 83, kulingana na taarifa yake ya matokeo iliyotolewa jana.

Bunge la Kenya lilipiga kura mwezi Julai kulitaifisha tena shirika hilo linaloendeshwa kwa hasara, na linakabiliwa na mzigo mkubwa wa madeni, na limefanya mabadiliko matatu ya watendaji wakuu katika kipindi cha miaka mitano iliyopita wakati likipambana kushindana na mahasimu wake wa kikanda.

Serikali ya Kenya inapanga kuwarejeshea pesa za wamiliki wa hisa nyingi zaidi likiwemo shirika la Air France-KLM linalomiliki asilmia 7.8 ya hisa.