China yaanza mazoezi ya kijeshi

Mazoezi hayo yaliyoanza leo yanajumuisha wanajeshi kufyatua silaha za moto kutoka kwenye meli za kivita katika wakati ambapo Marekani na washirika wake wanafanya pia luteka zao za kijeshi katika eneo la magharibi la bahari ya Pasifiki.

Mamlaka ya usalama wa safari za baharini ya China haikutowa tahadhari yoyote kwa kipindi cha kuanzia asubuhi hadi mchana leo Jumanne katika eneo, la pwani ya mji wa Taizhou kuhusiana na matumizi ya silaha za moto zinazofyatuliwa kutoka meli za kivita.

Mazowezi mengine ya kijeshi ya China katika eneo hilohilo yataendelea hadi jioni ya leo. Kimsingi mazowezi aina hii karibu na kisiwa cha Taiwan mara nyingi huzusha ukosoaji kutoka kwa washirika wa Taiwan na hususan Marekani.