Turqia kërkon nga SHBA arrestimin e Fethullah Gülen

Zyra e Kryeprokurorit të Stambollit u ka dërguar një letër autoriteteve të SHBA-së ku kërkon arrestimin e klerikut Fethullah Gülen, i fajësuar nga qeveria turke për orkestrimin e grushtit të dështuar të shtetit gjatë muajit korrik, njoftoi televizioni CNN Turk.

Ministria e Drejtësisë e Turqisë e përcolli tek autoritetet e SHBA-së këtë letër, në të cilën Gülen quhet si organizatori i puçit të dështuar të 15 korrikut dhe akuzohet për dhjetë akuza të ndryshme, përfshirë dhe përpjekjen për të përmbysur qeverinë.