Wadephul në Ankara thirrje për fundin e shpejtë të luftës

Në një takim me homologun e tij turk Hakan Fidan në Ankara Wadephul tha, se ka "bindjen, që vetëm me një rrugë diplomatike mund të arrihet një zgjidhje e besueshme dhe e pranueshme." Wadephul tha, se nga udhëtimi ditët e fundit në vendet e Lindjes së Mesme ka arritur në një konstatim thelbësor, se "ne duhet t'i harmonizojmë interesat e përbashkëta të rajonit të Gjirit Persik, por edhe të vendeve fqinj me të". Sipas tij, është shumë e rrezikshme që Irani po i intensifikon edhe më tej tensionet sulmet ndaj fqinjëve të vet në rajon dhe veçanërisht në Gjirin Persik. Kreu i diplomacisë gjermane bën thirrje për një fund të shpejtë të luftës së Iranit. 

Edhe ministri turk Fidan i dënoi sulmet e Teheranit ndaj shteteve të Gjirit Persik, por njëkohësisht e cilësoi si jo legjitim edhe sulmin e Izraelit dhe SHBA-së ndaj Iranit. Wadephul deklaroi, se në sfondin e pranimit të refugjatëve sirianë nga Turqia më 2015, është e drejtë si një masë paraprake që Ankaraja të trajtojë çështjen e një vale të re refugjatësh nga lufta e Iranit. Sipas ministrit gjerman, deri tani nuk duket të ketë valë refugjatësh. "Por ne kemi një interes të përbashkët, që ta parandalojmë këtë."

Turqia: Nuk lejojmë nxitjen e një lufte civile në Iran 

Turqia nga ana e saj tërheq vëmendjen, për të mos nxitur një luftë civile në Iran. Turqia nuk do t'i lejojë askujt, të farkëtojë të tilla plane, tha ministri i Jashtëm turk Hakan Fidan në konferencën e përbashkët të shtypit me ministrin e Jashtëm gjerman Johann Wadephul. "Ne refuzojmë plane, që synojnë të nxisin një luftë civile në Iran dhe të provokojnë konflikte në linjat e kufijve entik dhe religjoz", tha Fidan. "Ne paralajmërojnë ndaj kësaj. Askush nuk duhet të ndjekë të tilla fantazi."

 

dpa/ard