Sukses apo sanksione?

Suksesi erdhi pasi diplomatët nga Britania e Madhe, Franca, Gjermania takuan zyrtarët iranianë në Vjenë. Para se diplomatët europianë të shkonin në këtë takim, ata shfaqën pak shpresa për rifillimin e negociatave të cilat u ndërprenë në muajin gusht. Kjo ndodhi pikërisht në momentin kur Irani rifilloi me procesin e pasurimit të Uraniumit. Por tani shefi i delegacionit të Iranit ka thënë se bisedimet duhet të fillojnë në janar. Ndërsa diplomatët europianë janë më kaotikë,ata bëjnë të ditur, se do të konsultohen me qeveritë e tyre si dhe thonë që bisedimet e janarit do të zhvillohen vetëm rreth kornizës së negociatave.

Bashkimi Europian i përfaqësuar nga Britania e Madhe, Franca dhe Gjermania është duke udhëhequr përpjekjet diplomatike për të bindur Iranin, për të hequr dorë nga pasurimi i uraniumit-proces, nga i cili mund të krijohen materiale për armë bërthamore. Irani pohon se programi nuklear është tërësisht paqësor. Por deklaratat e mëparshme të Presidentit iranian, Mahmud Ahmedinexhad se Izraeli duhet shuar nga harta kanë shkaktuar brengosje në shkallë ndërkombëtare.

Ali Safavi nga Këshilli i Rezistencës Kombëtare Iraniane thotë, se Bashkimi
Europian nuk ka qenë mjaft i ashpër ndaj Teheranit. Safavi: Fatkeqësisht, jemi këtu ku jemi sot me Ahmedinaxhadin për shkak të vetëkënaqësisë europiane. Sepse ata nuk ndërmorrën veprime adekuate ndaj sjelljes reale të Iranit.

Ende nuk është e qartë nëse bisedimet e parapara për muajin janar do të çojnë në negociata të nivelit të lartë.

Bashkimi Europian dhe Shtetet e Bashkuara të Amerikës thonë se kjo është e papranueshme dhe se ata do të kërkojnë nga Këshilli i Sigurimit të Kombeve të Bashkuara sanksione nëse Irani vazhdon ta ndjekë këtë rrugë. Dhe shanset për këtë janë shtuar ndjeshëm qëkur Mahmud Ahmedinaxhad, kryetari iranian i vijës së ashpër deklaroi, se Izraeli duhet të shuhet nga harta si dhe bëri thirrje që të zhvendoset në Gjermani ose Austri.

Abbas Milani një politolog në Unviversitetin e Stanfordit thotë se tani politika nukleare e Iranit po udhëhiqet nga liderë fetarë. Milani: Mendoj se ende politika nukelare është duke u bërë nga Khomeini, dhe se grupi i ri është duke u bërë gjithnjë e më i fortë si dhe është duke provuar që të ndryshojë përbërjen e ekipit negociator duke i sjellur njerëzit e tyre.

Dakordimi për të vazhduar bisedimet nuk përjashton mundësinë që në takimin e ardhshëm në Këshillin e Sigurimit të Agjencisë Ndërkombëtare për Energji Atomike të rekomandohen sanksione për Iranin. Ndërsa nga ana tjetër, Teherani nuk ka dhënë asnjë sinjal për ndaluar pasurimin e uranit ose të heqë dorë nga qëllimet nukleare.