Stacioni i fundit i një udhëtimi të dëshpëruar
Ata vijnë në Patras dhe ëndërrojnë për një jetë më të mirë, por jo në këtë qytet: Përmes Greqisë përpiqen të hyjnë në Europë dhjetëra mijëra refugjatë - shumë rrezikojnë jetën për ëndrrën e tyre.
Nga Greqia drejt Perëndimit
Ata vijnë shpesh me më pak se jetën dhe disa plaçka. Greqia është për shumë emigrantë shteti i parë i Bashkimit Europian në udhëtimin drejt Perëndimit. Rregullat e BE-së parashikojnë që të huajt të regjistrohen dhe të paraqesin kërkesën për azil në vendin që shkelin për herë të parë.
Azam - i hedhur në Patras
26 vjeçari Azam - nga Sudani jugor, përmes Egjiptit mbërriti në Europë. Në të vërtetë ai donte të shkonte në Itali, por e nxorrën në Patras, 3000 dollarë pagoi ai për këtë qëllim.
Objektivi: Europa veriore
Qyteti perëndimor port ka qenë prej kohësh pikë grumbullimi e mijëra emigrantëve. Patras nuk është më tani në radhë të parë të listës së qyteteve në krizë për shkak të refugjatëve. Fokusi është zhvendosur më në lindje për shkak të refugjatëve nga Siria. Por ende në Patras qëndrojnë qindra refugjatë ilegalë me shpresën për të depërtuar në Europën veriore.
Stacion i ndërmjetëm apo i fundit?
Si këta refugjatë shumë të tjerë nga Sudani janë vendosur në fabrika të dala jashtë funksionimi. Aty jetojnë në kushte të tmerrshme varfërie. Shpresa është të futen në ndonjë nga tragetet që nisen nga ky qytet për në Itali ditë e natë.
Pa rrugëdalje
Por territori i portit është rrethuar në mënyrë hermetike. Policia e vëzhgon 24 orë rresht. E megjithatë refugjatët ia dalin të hyjnë në port dhe më pas në ndonjë traget.
Rrezikim i jetës për ëndrrën e madhe!
Shumë vetë rrezikojnë gjithçka, madje edhe jetën: Ata kërcejnë mbi maune që ndodhen në lëvizje e sipër dhe fshihen tek akset apo në pjesë të tjera të automjeteve.
Në pritje të momentit të duhur
Po shumë pak vetë arrijnë vërtet të futen deri në anije. Për këtë ata duhet të durojnë shumë gjatë - në pritje të fatit.
"Nuk do të dorëzohem"
Shumë pak vetë ia dalin ta realizojnë ëndrrën e tyre. Shumicës i mbetet shpresa për një jetë më të mirë: "Unë dua të shkoj në Europë, në veri dhe të gjej një punë të mirë", thotë Azami. "Dhe do ta provoj derisa t'ia dal."