SHBA: Romney fiton edhe në pesë shtete të tjera
25 Prill 2012Mitt Romney pranon tani hapur kandidaturën për president të republikanëve në SHBA. Sipas njoftimeve të medieve, ish guvernatori fitoi të martën (24.04) zgjedhjet paraprake në shtetet federale të SHBA-së, Connecticut, Delaware, New York, Pennsylvania dhe Rhode Island. Ai fitoi në këto pesë shtete me ruzultatet mes 56 dhe 67 për qind kundër dy rivalëve të tij që vazhdojnë garën, ish kryetari i Dhomës së Përfaqësuesve, Newt Gingrich dhe kongresmenit, Ron Paul. Konservatori Rick Santorum tashmë e kishte tërhequr kandidaturën e tij më 10 prill.
Romney: Kjo nuk është më e mira që mund të bëjë Amerika
Mitt Romney gjatë fushatës së tij me simpatizantët republikanë ka pemtuar se do ta marrë Shtëpinë e Bardhë dhe do t'i japë fund katër viteve zhgënjyese. "Duroni edhe pak”, tha ai. Një Amerikë më e mirë fillon sonte. Vitet e fundit kanë qenë më të mirat që Barak Obama mund të bënte, por kjo nuk është më e mira që mund të bëjë Amerika. Fitorja e sotme është fillimi i përfundimit të zhgënjimeve të viteve të Obamës dhe fillimi i një kapitulli të ri". Republikanët e emërojnë zyrtarisht në fund të gushtit në Florida kandidatin e tyre për president i cili do të përballet në nëntor me presidentin aktual Barack Obama.
Autor: dpa, afp, rtr / M. Kelmendi
Redaktoi: Esat Ahmeti