Raporti gjithpërfshirës deri më 16 prill | Ballkani | DW | 09.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Raporti gjithpërfshirës deri më 16 prill

Misioni faktmbledhës i KS-it, do të arrijë në Kosovë më datën 19 prill. Njëra ndër kërkesat e misionit është që të kenë një raport gjithpërfshirës të implementimit të standardeve në Kosovë

Delegacioni nga Kosova në Vjenë, 10 mars 2007

Delegacioni nga Kosova në Vjenë, 10 mars 2007

Qeveria e Kosovës, është e bindur se ka cka të tregojë para misionit faktmledhës të KS-it, i cili pritet të arrijë në Kosovë më datën 19 prill. Ky mision realizohet më kerkesë të Rusisë si anëtare me status të përhershëm në KS-it, në kuadër të diskutimeve për zgjidhjen e statusit të Kosovës. Qeveria e Kosovës, është duke punuar në hartimin e një dokumenti gjithpërfshirës të procesit të standardeve për Kosovën, për faktin që një ndër pikat që u intereson ambasadorëve të KS-it, thuhet se do të jetë edhe procesi i implementimit të standardeve për Kosovën. Avni Arifi, është kordinator i qeverisë për standardet thotë se: "Raporti i qeverisë së Kosovës që do t'u dorëzohet ambasadorëve të KS-it, gjatë vizitës së tyre në Kosovë, do të përfshijë cështjet që nga funksionimi demokratik i institucioneve, zgjedhjet, gjendja e mediave, përfaqësimi i pakicave në institucione, gjuhët zyrtare të pakicave në dokumentet zyrtare si cështja e kthimit dhe lirisë së lëvizjes në Kosovë", thotë, Avni Arifi. Krerët e administratës ndërkombëtare në Kosovë, kanë thënë se ambasadorët e KS-it, janë të mirëseardhur në Kosovë, mirëpo sipas tyre, ky mision sic thuhet faktmbledhës, është vetëm humbje kohe. Kjo për faktin që thonë ata, shefi i UNMIK-ut, cdo tre muaj rregullisht raporton për zhvillimet në Kosovë, para anëtarëve të KS-it. Udhëheqës politik kosovar, nga ana e tyre, thonë se, misioni faktmbledhës i KS-it, nuk do ta pengojë dinamikën e përcaktimin e statusit të Kosovës, sepse sipas tyre, ky delegacion në fakt vjen vetëm sa për t'ia përmbushur dëshirën Rusisë, si anëtare e përhershme e KS-it. Udhëheqësit kosovar thonë se, ambasadorët e KS-it, do të binden se në Kosovë ka ndryshime të mëdha dhe se këtu është arritur të krijohet baza për krijimin e një shteti fuksional.
  • Data 09.04.2007
  • Shtypni Shtypeni faqen
  • Permalink https://p.dw.com/p/ArWm
  • Data 09.04.2007
  • Shtypni Shtypeni faqen
  • Permalink https://p.dw.com/p/ArWm
Reklamë