Ndërron jetë stilisti Pierre Cardin

Pierre Cardin lindi më 2 korrik 1922, si djali i një tregtari francez verërash pranë Venecias në Italinë veriore. Kur ai ishte ende fëmijë familja u kthye në Francë dhe ai u rrit në qytetin industrial të Shën Etienit.

Në moshën 17-vjeçare Cardin nisi një kurs rrobaqepësie. Më vonë u transferua në Paris dhe filloi të punonte si dizajner mode pranë shtëpisë së modës Paquin.

Në vitin 1946 ai dizajnoi kostumet si dhe elementet e skenave për filmin legjendar bazuar në përrallën "Bukuroshja dhe Bisha" të poetit dhe regjisorit Jean Cocteau.

Pastaj ai kaloi tek stilisti Christian Dior, ku ndihmoi për krijimin e serisë legjendare "New Look" në vitin 1947. Tre vjet më vonë Cardin themeloi kompaninë e vet të modës.

Cardin konsiderohet së bashku me Paco Rabanne dhe André Courrèges si krijuesit e modës futuriste.