Në të ardhmen do të punohet ndryshe | Bota | DW | 10.02.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Reklamë

Bota

Në të ardhmen do të punohet ndryshe

Globalizimi dhe digjitalizimi po e ndryshojnë edhe formën e punës. Sipërmarrjet po kërkojnë strategji të reja për përballje me këtë fenomen. Çfarë sjellë New Work?

David Spaeth ëshë nisur tek klienti i tij. Shefi i marketinkut në Novomind (me 400 punonjës), një sipërmarrje e specializuar për software, është i veshur me veshje komode joformale, në të cilat shkruan emri i firmës - Team Novomind.

Në një godinë jo edhe aq të mirë në lindje të Hamburgut e presin dy bashkëpunëtorë të firmës Trans nga Zvicra. Spaeth buzëqesh. Ai ka ardhur që së bashku me klientët të gjejë zgjidhjen më të mirë, se si mund të funksionojë pagesa në web-shop, ku mund të blihen pajisjet për udhëtime dhe fjetje në natyrë. "Kur punojmë në ekip, shpesh nuk mund të dallojmë se kush është klient e kush ofron shërbime", thotë Spaeth. "Kjo na ndihmon që të gjithë të jemi sa më kreativë".

Nuk ka hierarki, kufi mes klinetëve dhe shitësve, të gjithë jemi të afërt. Ekspertët e quajnë këtë si "New Work", ku punohet në mënyrë dinamike, pa frikë nga gabimet apo cënimi i autoritetit të ndonjë shefi.

New Work:Wenn Firmengrenzen und Hierarchien fallen | Teambuilding (Novomind)

Bota e re e punës - kufijtë e sipërmarrjeve dhe hierarkitë rrëzohen...

Ekipet fleksibël

Ekspertët e online-shop së bashku me klientët nga Alpet e kanë konceptuar një web-shop, për shitje efektive. E reja e këtij koncepti është se pagesat nuk bëhen në baza ditore, por sipas projekteve. Ekipet janë fleksibël, e varësisht nga nevoja, mund të angazhohen edhe bashkëpunëtorë të tjerë, për një kohë të shkurtër. "Dikur klientët kanë pritur vetëm rezultate, ndërsa tani duan të jenë pjesë e proceseve kreative", pohon David Spaeth. "Shpesh ata kanë zgjidhje më të mira për problemet."

Bashkëpunëtorët e firmave Trans dhe Novomind kanë krijuar së bashku një content management system për online-shop, në vend që të punojnë paralelisht si konkurrentë. "Ka qenë kjo një punë perfekte ekipore", thotë Spaeth. Kjo mundëson një fleksibilitet, ndërsa rezultatet varen nga projektet. Teknika dhe ndërlidhja me klientët, presioni i madh i konkurrencës - këto janë shkaqet që e bëjnë të domosdoshëm bashkëpunimin. Kjo në veçanti vlen për sektorin e modës, thotë Spaeth. Këtu ndryshojnë më shpesh trendet dhe "duhet të reagohet më shpejt".

Spaeth thotë se web-shopi është është pjesë e New Work. New Work është shndërruar në një sistem të ri për të ardhmen, i cili kritikohet ndonjëherë si instrument marketingu. Por ekspertët janë dakord - si pasojë e digjitalizimit dhe globalizimit, bota është në një proces transformimi të përgjithshëm.

New Work:Wenn Firmengrenzen und Hierarchien fallen | Alexander Schlomberg (Expertlead)

Alexander Schlomberg nga Expertlead

Kërkohen ekspert të IT

Ndryshimet i ka përshpejtuar edhe mungesa e fuqisë punëtore. Sipërmarrjet mesatarisht kërkojnë një ekspert të IT rreth 132 ditë. Kështu thuhet në analizën e Agjensisë Federale për Punë. Edhe Shoqata e Teknologjisë dhe Informimit Bitkom pohon se sipërmarrjet e saj kërkojnë mesatarisht rreth pesë muaj një ekspert të IT. Alexander Schlomberg ka nisur një ide të re. Ai ka themeluar firmën Expertlead, një platformë interneti e cila ndërmjetëson në gjetjen e ekspertëve të IT. Ata punojnë nga gjashtë muaj në projekte dhe paguhen mbi baza ditore. Një përqindje e fitimit shkon tek Expertlead. "Ky është modeli i punës për të ardhmen", thotë Schlomberg.

Asnjë programues apo inxhinier për Machine Learning nuk do të shkojë dhe të jetojë në ndonjë provincë. Ekspertët e kësaj firme janë të shpërndarë në mbarë botën dhe me ta komunikon përmes chat-it apo ndonjë video konference. Schlomberg thotë se modelet e tanishme të punës janë vjetëruar. Në një studim i sipërmarrjes për konsultime Edelman Intelligence thuhet se deri në vitin 2027, në SHBA më shumë se gjysma e punëtorëve do të jenë bashkëpunëtorë të lirë. Dhe at jo vetëm në fushën e IT por edhe në sektorë të tjerë.