Momentet më të rëndësishme të Kampionateve Botërore të Futbollit
Goli i Wembleyt, "dora e Zotit" dhe "mrekullia e Bernës - kampionatet botërore kanë shkruar shumë historira. Momentet më të rëndësishme të Kampionateve Botërore i kemi përmbledhur në galerinë tonë fotografike.
1950: Urugai turpëron Brazilin
Deri sot mbetet një ëndërr e keqe: Brazili krenar humbet Kampionatin Botëror në vendin e vet kundër Uruguajit, me pak shanse. Qetësi e trishtuar në stadiumin e praruar legjendar Maracanã in Rio de Janeiro. fansa që qajnë në shkallët e stadiumit, kur Alcides Edgardo shënon golin e fitores: 2:1. Një barazim do t'i kishte mjaftuar Brazilit për të fitur në kampionatin e zhvilluar në grupe.
1954: Mrekullia e Bernës
"Që nga prapavija mund të shënonte Rahn..."- asnjë reportazh gjerman futbolli nuk citohet më shumë se ai i Herbert Zimmerman-it. Helmut Rahn e dërgon Kombëtaren gjermane me një gol 3:2 në finale përballë Hungarisë që dukej shumë e fuqishme në fronin e Kampionatit Botëror dhe i kthen Gjermanisë së pasluftës pak besim në vetvete.
1958: Pelé pushton fronin e futbollit
"Mbreti i futbollit" shfaqet për herë të parë në skenën e madhe të futbollit: në moshën 17 vjeçare, Pelé i zhdërvjellët dhe me gjallëri e çon thuajse i vetëm ekipin kombëtar të Brazilit në fitore dhe bëhet kampioni më i ri i botës në historinë e futbollit. Në katër kampionate botërore lë gjurmën e tij futbollisti i shekullit dhe shënon gjithsej 1284 gola në 1375 ndeshje zyrtare.
1966: Goli i Wembley-t
...nuk do të ndodhë në kampionatin e Brazilit, për shkak të teknologjisë së re të vijës së portës. Goli në 1966 e sjell Anglinë në finalen e Kampionatit Botëror në Stadiumin Wembley në rezultatin jopërfundimtar 3:2: Geoff Hurst e dërgon topin vërtet nën traversën e portës, prej ku ai bie në tokë, por pa e kaluar vijën e portës. Por arbitrat e quajnë gol dhe Gjermania humbet finalen me 2:4.
1970: Ndeshja e shekullit
Gjysmëfinale e Kampionatit Botëror në Meksikë. Italia përballë Gjermanisë. Në stadiumin Azteke, në temperaturën 50 gradë Celsius të duket se po sheh film policor: dy herë ndërrohet udhëheqja, shanse për gola ka çdo minutë, 11 metërshat nuk jepen. Pesë gola bëhen vetëm në kohën shtesë. Por sërish kemi një kapitull të errët në historinë e futbollit gjerman: Gjermania humbet pas kohës shtesë 3:4.
1974: Fitore në Mynih
Pas një minute e gjysmë në disfavor, 2:1 çlirues nga Gerd Müller (m.) - ekipi gjerman mund në finale rivalen e betuar Holandën dhe kurorëzohet për herë të dytë me titull në kampionatin në tokën gjermane. Në raundin e mëparshëm, 11-ja gjermane humbet kundër ekipit të RDGJ. Deri sot është e vetmja ndeshje e Kampionatit Botëror, ku u takuan ekipet e një vendi të ndarë.
1978: Turpi i Cordobas
Hans Krankl shënon në raundin e dytë golin për rezultatin 3:2 kundër mbajtësit të titullit Gjermani, duke e nxjerrë Gjermaninë nga turneu në Argjentinë. Për gjermanët është një nga disfatat më të mëdha - dhe kjo kundër një fqinji evropian, i cili pikërëndesat i ka në sportet dimërore.
1986: Dora e Zotit
Dy gola të një ndeshjeje shënojnë histori: Diego Maradona shënon fillimisht me "Dorën e Zotit" golin për 1:0 kundër Anglisë.vPak minuta më vonë, argjentinasi i vogël shënon pas një vrapimi prej më shumë se 60 metrash i vetëm rezultatin 2:0 - ky gol zgjidhet më vonë si gol i shekullit ndër Kampionatet Botërore. Në finale, Argjentina e mund Gjermaninë 3:2 dhe bëhet për herë të dytë Kampione Bote.
1982: Atentati në Battiston
Një faull, që hyn në historinë e futbollit: në "natën e Sevilla-s", francezi Patrick Battiston vrapon në gjysmëfinalen e botërorit drejt portierit Toni Schumacher, shtrihet përtokë prej tij, humbet ndjenjat dhe dy dhëmbë. Arbitri nuk e ndëshkon. Schumacher kërkon falje vetëm pas shumë vitesh, Battistoni e fal dhe madje e fton në dasmën e tij.
1990: Dueli i helmuar i fqinjëve
Gjermania bëhet Kampione Bote në Itali, fiton me 11 metërshin e Andreas Brehmes kundër Argjentinës 1:0. Në çerekfinale, në ndeshjen Holandë kundër Gjermanisë ndodh një skandal: Frank Rijkaard pështyn Rudi Völlerin, por të dy fluturojnë nga fusha me karton të kuq. Shumë kamera të reja televizive e zbulojnë padrejtësinë.
2006: Një goditje me kokë që mbahet mend
Përalla verore gjermane mbyllet pas fitoreve të furishme kundër Argjentinës dhe Anglisë në gjysmëfinale ndaj fituesit të, Italisë. Në ndeshjen e tij të fundit, aktori kryesor bëhet Zinédine Zidane: fillimisht ai i siguron Francës avantazhin me penallti dhe më pas fluturon në mënyrë të palavdishme nga fusha. Me një goditje me kokë, artisti i topit merr hak ndaj rivalit provokues, Marco Materazzi.
2010: Vuvuzela dhe premiera e Afrikës
Zhurma e vuvuzelave shoqëron si gumëzhitja e një tufe gjigante grerëzash të gjitha ndeshjet e Kampionatit të Parë të Futbollit në kontinentin e zi. Afrika e Jugut pret botën, Spanja ngjitet pas fitores në finale kundër Holandës për herë të parë në fronin e titullit dhe është e para skuadër evropiane, që e fiton titullin jashtë Evropës.