Lindi England shpallet fajtore | FOKUS | DW | 27.09.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Lindi England shpallet fajtore

Ajo konsiderohet figura qëndrore e skandalit të burgut irakian Abu Graib. Në fotografitë e publikuara, ushtarja e re pozon përkrah të burgosurve të keqtrajtuar irakian.

Ushtarja amerikane Lindi England

Ushtarja amerikane Lindi England

Kolegjit të Gjyqit Ushtarak, iu deshën dy orë për të marrë vendimin ndaj Lynndie England. Ajo u shpall fajtore në pothuaj të pesë pikat e aktakuzës, fajtore për pjesëmarrje në komplot, fajtore për sjellje të pamoralshme si dhe fajtore për keqtrajtimin e të burgosurve.

Ushtarja 22 vjeçare, e cila u bë figurë kryesore në skandalin e keqtrajtimeve barbare në burgun Abu Graib , doli për herë të dytë para gjyqit. Procesi i parë kundër saj, u mbajt në maj të vitit 2005, ku ajo morri dënim të butë, meqenëse ka qënë, sipas saj, e bindur se urdhërat duheshin zbatuar, që do të thotë se ajo nuk ka qënë e vetëdijshme për atë që ka bërë, prandaj nuk e pranon fajin. Mirëpo, ish i dashuri i saj Charles Graner - shkaktari kryesor i skandalit, i dënuar me dhjetë vjet heqje lirie u ftua si dëshmitar dhe kundërshtoi me forcë deklaratën e saj lidhur me ngjarjen famëkeqe.

Në pjesën e dytë të procesit gjyqsor, pala mbrojtese nuk pati zgjidhje tjetër veçse të vazhdonte përpjekjet për të dëshmuar pafajësinë e të akuzuarës, Lindi England. Avokati ushtarak Jonathan Crisp, në pretencen përmbyllëse argumentoi se klientja e tij, në të vërtet ka shoqëruar Carls Grener, dhe duke qenë e pazonja për të kundërshtuar të dashurin e saj, ajo ka bërë gjithë çfarë i është kërkuar.

Mirëpo, aktakuza tregon krejt të kundërtën : "e paditura e dinte çfarë bënte" - tha akuzuesi kryesor Chris Graveline, i cili si dëshmi ofroi fotografitë e publikuara, ku shihet Lynndie England me një cigare në cep të buzës, duke treguar me të qeshur gjenitalet e një të burgosuri si dhe fotografia më e njohur, ku me një litar qeni tërheq zvarrë një të burgosur të lakuriquar. "Ajo është tallur dhe ka qeshur. Ajo ka marrë pjesë në keqtrajtime për të kënaqur dellin e saj të sëmurë për humor" - argumentoi Graveline.

Pikërisht këtë ka thënë Lynndie England kur është kontrolluar nga ushtria, në janar të vitit 2004, se i ka munduar të burgosurit që të argëtonte personelin e rojeve në Abu Graibin. Argumente, me të cilat të pesë të betuarit u bindën më në fund.

Pas shpalljes së fajësisë , të pesë oficerët vet u desh të vendosin për masën e ndëshkimit të të paditurës Lindi England, së cilës i kërcënohet dënimi me dhjetë vjet heqje lirie.

  • Data 27.09.2005
  • Autor Linda Staude
  • Shtypni Shtypeni faqen
  • Permalink https://p.dw.com/p/AqiZ
  • Data 27.09.2005
  • Autor Linda Staude
  • Shtypni Shtypeni faqen
  • Permalink https://p.dw.com/p/AqiZ