Liderja amerikane Nancy Pelosi mbërriti në Tajvan | Bota | DW | 02.08.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Reklamë

Bota

Liderja amerikane Nancy Pelosi mbërriti në Tajvan

Zyrtarisht e paparalajmëruar, por së fundmi e pritshme pothuajse nga të gjithë: me vizitën e saj në Tajvan, numri tre në hierarkinë amerikane po bën bujë në të gjithë botën.

Kryetarja e Dhomës së Përfaqësuesve të SHBA, Nancy Pelosi mbërriti në Tajvan megjithë paralajmërimet nga Kina. Pelosi është përfaqësuesja e tretë më e lartë e Shteteve të Bashkuara pas Presidentit Biden dhe Zëvendëspresidentes Harris. Vizita e saj në Tajvan është vizita e rangut më të larta nga SHBA në 25 vitet e fundit.

Pelosi u përshëndet në aeroportin e Taipeit nga ministri i Jashtëm Wu. Menjëherë pas uljes, ajo shkroi në Twitter se vizita thekson "angazhimin e palëkundur të SHBA për të promovuar demokracinë e gjallë në Tajvan". Bisedimet e planifikuara me udhëheqësit tajvanezë fokusohen në nxitjen e "interesave tona të përbashkëta" dhe avancimin e kërkimit të një "rajoni të lirë dhe të hapur Indo-Paqësor". Vizita nuk është në kundërshtim me politikën e gjatë të SHBA-së. Shtetet e Bashkuara vazhdojnë të kundërshtojnë çdo ndryshim të njëanshëm të statukuosë në Tajvan.

"Ne duhet të qëndrojmë pranë Tajvanit"

Menjëherë pas mbërritjes së Pelosit, gazeta "Washington Post” publikoi një opinion në të cilin politikania shpjegon me detaje pozicionin dhe motivet e saj. Ajo në të thotë: "Ne duhet ta mbështesim Tajvanin, i cili është një ishull i aftësisë për të rezistuar". Vitet e fundit, Kina ka rritur në mënyrë dramatike tensionet me Tajvanin.

Kina përsërit kritikat e forta

Kina i kishte paralajmëruar vazhdimisht Shtetet e Bashkuara të Amerikës kundër një vizite të Pelosit - dhe përsëriti kritikat e saj menjëherë pas mbërritjes së Pelosit në Taipei: "Ne e dënojmë fuqishëm këtë vizitë që ka pasoja serioze në marrëdhëniet midis Kinës dhe Shteteve të Bashkuara," u bë e ditur. Në Uashington u paraqit një protestë.

Manovra me ushtrime me qitje

Ndërkohë, Ministria e Mbrojtjes e Kinës ka njoftuar për manovra me ushtrime qitjeje në disa zona detare rreth Tajvanit. Manovrat duhet të nisin sot dhe të zgjasin deri të dielën. Qëllimi është të ushtrohet "parandalim serioz" përballë zhvillimeve të fundit - dhe të jepet një paralajmërim serioz për forcat pro pavarësisë që duan shkëputjen nga Tajvani.

Ashtu si shumica e vendeve, Shtetet e Bashkuara nuk mbajnë marrëdhënie zyrtare diplomatike me Tajvanin. Udhëheqësit e Pekinit e konsiderojnë Tajvanin si pjesë të Republikës Popullore të Kinës. Vëzhguesit e shohin qëndrimin e Pelosit si një rivlerësim të republikës demokratike të ishullit.

aud (dw, dlf)