Kape Verde: Shpëtimi i breshkave të ujit
Turizmi dhe gjuetia po kërcënojnë jetën e shumë breshkave të vogla të ujit në Kape Verde. Në ishullin Sal vullnetarë të shumtë po përpiqen të shpëtojnë këto krijesa dhe t'u japin mundësinë të jetojnë sa më gjatë.
SOS Tantarugas – Ndihma për jetën e breshkave
Në ishullin Sal në Kape Verde projekti ‘‘SOS Tantarugas‘‘ ka rritur mundësinë e mbijetesës së rrezikuar të breshkave të ujit. Vullnetarët e organizatës jofitimprurëse po përpiqen të ruajnë sa më shumë numrin e breshkave femra duke zhvendosur foletë e tyre të rrezikuara. Gjuetia dhe turistët janë kërcënimet më të mëdha për këto kafshë të vogla.
Në shtëpi për t'u shumuar
Në mënyrë që të shumohen, këto breshka kthehen sërish në det, aty ku kanë lindur. Në mbrëmje ato gërmojnë për fole, ku mund të mbulojnë vezët e tyre dhe më tej kthehen sërish në oqean – në qoftë se nuk janë kapur nga gjuetarët.
Një top tenisi në plazh?
Veza ngjason me një top tenisi. Një breshkë mund të fshehë në plazh deri në 100 vezë në një sezon. Si duket, natyra e di mirë që vetëm një numër i vogël i këtyre breshkave të vogla mbijetojnë, ndaj dhe siguron një numër të madh të vezëve.
Vendet e sigurta të shumimit
Plazhi në ishullin Sal nuk është një vend i sigurt, ku breshkat mund të ngrejnë foletë. Këto fole shkatërrohen shpesh nga turistët dhe qentë e egër. Gjithashtu, dritat e hoteleve pengojnë breshkat femra dhe ato të vogla që të gjejnë rrugën drejt detit. Projekti ‘‘SOS Tantarugas‘‘ ka ngritur një terren të sigurtë për breshkat.
Një atraksion për turistët
Shumë turistë, që vijnë në plazh kanë mundësinë të shohin breshkat e ujit. Ndërkohë që breshkat e vogla të shumuara gjatë natës kanë më pak mundësi t'i shohin, pasi ato si çdo reptil tjetër futen në ujë gjatë natës. ‘‘SOS Tantaruges‘‘ ka qëllim që t‘ju tregojë vizitorëve që të mbrojnë këtë specie.
Një ndihmë nga vullnetarët SOS
Shumica e breshkave dalin nga veza natën. Ditën tjetër, vullnetarët vijnë të shohin nëpër foletë, nëse ka ende breshka, që nuk kanë dalë nga veza. Kjo ju jep ndonjëherë edhe vizitorëve mundësinë unike për të parë breshkat e sapolindura.
Rruga përmes rërës
Sapo breshkat e vogla dalin nga veza, ato duhet të nisen përmes rërës drejt plazhit. Një situatë e vështirë!
Asnjë qen, mace, apo gaforre
Menaxherë të projektit Jacquie Cozens dhe Neal Clayton kanë ndërtuar disa rrjeta, që mbrojnë vezët dhe breshkat e sapolindura, pasi ato mund të bien pre e qenve, maceve, apo gaforreve.
Përgjatë rrugës
Breshkat e sapolindura në mënyrë instiktive marrin rrugën drejt detit. Megjithatë është e nevojshme edhe ndihma e stafit të projektit për t'i drejtuar këto breshka drejt ujit. Ndihma e tyre ul rreziqet ndaj breshkave gjatë rrugës.
Brenda valëve
Uji është element i rëndësishëm për breshkat. Vullnetarët i lejojnë këto breshka që të zvarriten vetë, derisa në fund të zhduken në valët e detit. Energjia e breshkave të sapolindura është e mjaftueshme, që ato të notojnë deri në dhjetë orë në det.
Një ndër një mijë breshka
Vetëm një në një mijë breshka mbijetojnë nga rreziqet e njeriut apo natyrës. Nëse çdo gjë shkon mirë, atëherë breshka mund të kthehet pas 25 vjetësh sërish në plazhin mëmë për të ngritur fole. Breshkat meshkuj e kalojnë gjithë jetën në ujë.