1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Irani dhe siguria në internet

28 Prill 2012

Sa të sigurtë janë rrjetet e kompjuterave të ministrive dhe të ekonomisë iraniane dhe a kanë sanksionet ndonjë ndikim në sigurinë e internetit në Iran?

https://p.dw.com/p/14mHb
ARCHIV - Netzwerkkabel stecken in Berlin in einem Verteiler für Internetverbindungen (Archivfoto vom 11.12.2008). Deutsche Regierungs- und Behördennetze sind zunehmend Ziel ausländischer Spionageangriffe, vor allem aus China. Von Januar bis September dieses Jahres seien rund 1600 Attacken auf Computer und Großrechner festgestellt worden, sagte der Sprecher des Bundesinnenministeriums, Stefan Paris, am Montag (27.12.2010) in Berlin. Zum Vergleich: Im ganzen Jahr 2009 waren es insgesamt 900 Angriffe. Foto: Arno Burgi (zu 4271 vom 27.12.2010) +++(c) dpa - Bildfunk+++
Fotografi: picture alliance/dpa

Pas një sulmi hakerash ndaj kompjuterave të sektorit iranian të naftës të dielën e kaluar (22.04.201) për të gjitha palët po shtrohet përsëri pyetja se sa të prekshme dhe të pambrojtura nga sulme të tilla janë sektorët e ekonomisë dhe të energjisë bërthamore të Iranit?

Sipas të dhënave zyrtare, Irani mundi ta përballojë sulmin përmes internetit ndaj sektorit të naftës dhe eksporti i naftës nuk pati dëme. Sulmi i hakereve u drejtua kundër serverave të kompanisë shtetërore iraniane të naftës, NIOC. Serverat e prekur u hoqën përkohësisht nga rrjeti për të parandaluar përhapjen e mëtejshme të virusit, tha zëvendësministri iranian i naftës Hamdollah Mohamadnexhad për agjencinë shtetërore të lajmeve IRNA, por dokumente të rëndësishme nuk janë dëmtuar.

Qetësi sa për sy e faqe?

Zyrtarisht Irani po përpiqet të tregojë nga jashtë qetësi dhe të demonstrojnë se e ka gjithçka nën kontroll. Por ngritja e një shtabi krize 24 orë pas sulmit të fundit përmes internetit tregon megjithatë se sa serioze është gjendja. Ekspertë të sigurisë tërheqin vëmendjen për menaxhimin e dobët të krizës në Iran dhe efektet e mundshme të sanksioneve ekonomike ndërkombëtare ndaj njohurive të iranianëve në aspektin e sigurisë së sistemeve kompjuterike.

This is the jetty on Kharg Island, Iran, seen, July 1971, where oil is distributed from four major pipes, leading from the tank farm to the jetty, to individual pipes for each of ten landings that can accommodate as many as 10 ships at once, loading them with 10,000 tons of oil per hour. (ddp images/AP Photo/Horst Faas)
Sulmi u drejtua kundër kompanisë shtetërore të naftës, NIOCFotografi: AP

Sipas Ehsan Norouzit, ekspert për sigurinë në internet, mbledhja e ekipit për menaxhimin e krizës që u bë 24 orë pas sulmit ishte shumë e vonuar. Hakerët pra kanë pasur kohë të mjaftueshme për të depërtuar në të dhëna dhe informacione të rëndësishme  në serverat e Ministrisë së naftës dhe mund t'i përdorin ato për sulme masive në të ardhmen. Edhe pse ka zëra sipas së cilave Irani po punon gjatë tre vjetësh në mënyrë masive në fushën e luftës në internet, ekspertët mendojnë se për shkak të sanksioneve që prekin edhe fushën e teknologjisë së komunikacionit, Irani nuk mund të bashkëpunojë dot me firma me zë në fushën e programeve antivirus.

Edhe pse nuk po thuhet qartë se kush është përgjegjës për këtë sulm, Mahmud Taxhalimer ekspert në fushën e telekomuniacionit thotë se lufta me ndihmën e viruseve të internetit është më pak e kushtueshme se ajo me armë luftarake.

Autor: Shahram Ahadi / Pandeli Pani

Redaktoi: Esat Ahmeti