Fiter Bajrami

Me lutje drejtuar Allahut, qindra besimtarë myslimanë të Tiranës kremtojnë sot Bajramin e Madh ose Fiter Bajramin. Me diten e sotme për ata mbaroi edhe Muaji i Shenjtë i Ramazanit, muaji i agjërimit, i adhurimit për Zotin, muaji i meditimit dhe i forcimit të lidhjeve shoqërore dhe familiare. Bajrami i madh është për besimtarët myslimanë dita e devotshmërisë, e solidaritetit dhe vëllazërisë.

Ceremonia e rastit dhe ritet në Tiranë filluan që në mëngjes, kur besimtarët e shumtë u mblodhën në xhaminë e madhe të Ethem Beut , në sheshin Skëndërbe..

Bledar Myftari , myftiu i kësaj xhamie dhe nënkryetar i Komunitetit mysliman të Shqipërisë duke përshëndetur qindra besimtarët e mbledhur në shesh tha se " Bajrami i madh është gëzim jo i individit por i shoqërisë"

Myftiu i Tiranës ka përfituar nga festa për të përsëritur kërkesën e kumunitetit mysliman për të marë nga Bashkia e Tiranës lejen e ndëtimit të një xhamie të madhe në qendër të kryeqytetit. " Dy komunitetet e tjera, ai ortodoks dhe katolik, kanë katedralete tyre në qendër të Tiranës" tha Bledar Myftari.

Autoritetet më të larta të Tiranës i kanë uruar festën besimtarëve myslimanë.

" Bajrami i madh është dita për më shumë reflektim brenda vetes, për më shumë altruizëm" tha Presidenti i Republikës Bamir Topi

" Gëzuar këtë ditë të shenjtë , të bardhë që nderon sakrificën e njeriut për Zotin, për të mirën e vetes, familjen, shoqërisë dhe kombit." u përcolli urimet e tij besimtarëve myslimanë kryeministri Berisha .

" Mesazhet e Bajramit të Madh janë mesazhe paqeje, solidariteti, mirëkuptimi për njerëzit. Janë mesazhe, që tregojnë se paqja sjell edhe mëshumë zhvillim dhe prosperitet" tha Kryetari i opozitës dhe i Bashkisë së Tiranës, Edi Rama.

Ani Ruci / Tiranë

►◄