Atraksionet e Europës të para nga lart
20 vjeçari Vadim Makhorov nga Rusia dhe 20 vjeçari Vitaliy Raskalov nga Ukraina i japin një kuptim të ri termit "shtigje të pazakonta" me turin e tyre drejt majave të godinave më impresionuese të Europës.
Kokëkrisurit në Këln
20 vjeçari Vadim Makhorov nga Rusia dhe 20 vjeçari Vitaliy Raskalov nga Ukraina i japin një kuptim të ri termit "shtigje të pazakonta" me turin e tyre në majat e godinave më impresionuese të Europës - me vete ata kanë apartet fotografike. Për një muaj ata u ngjitën ilegalisht në majat e 12 ndërtesave të famshme europiane, duke përfshirë edhe katedralen e Këlnit, e pasqyruar në këtë fotografi.
Mos e bëni këtë në shtëpi!
Si pa u ndierë dy turistët e lartësive u spostuan nga platforma e katedrales prej nga lejohet zyrtarisht ta shijosh panoramën e Këlnit nga lart dhe pritën perëndimin e Diellit për t’u ngjitur pa asnjë mjet sigurimi në majën e kambanores 157 metra të lartë. "Nuk është e vështirë të ngjitesh pa skela, por është shumë e rrezikshme - poshtë s’ka asgjë veç shtyllave prej çeliku, i tha Makhoro DW.
Në kërkim të ndijesisë ekstreme
Katedralja e Këlnit e ndërtuar në vitet 1248 - 1880, është ndër atraksionet më të preferuara turistike të Gjermanisë. Ajo pret çdo ditë rreth 20.000 vizitorë, por asnjëri prej tyre nuk është në gjendje të shohë poshtë nga maja e kambanores. "Eshtë ndijesi e pashpjegueshme kur je në majë të kambanores. Në një pikë edhe unë u ndieva i pasigurtë, por ngacmimi ishte shumë më i fortë", thotë Makhoro.
Pa limit
Këlni është qyteti i kartërt i Gjermanisë nga madhësia, përmes të cilit kalon lumi Rin. Katedralja është rezidenca e Kryeipeshkvisë katolike të Këlnit, administrata e së cilës nuk u gëzua kur mësoi për ngjitjen ilegale të dy turistëve të rinj në kambanore. Por sipas Makhorov, megjithatë aventura e ngjitjes ia vlejti: “Pamja e Këlnit nga maja e katedrales ishte më impresionuesja në turin tonë.”
Frankfurti i parë nga lart
Frankfurti shtrihet përgjatë lumit Main dhe njihet për gradaçelat e shumta, arsyeja kjo përse disa e quajnë qendrën e tij edhe "Mainhattan". Ky qytet ndodhet në qendër të Gjermanisë dhe shënon gjithashtu edhe qendrën gjeografike të Bashkimit Europian. Frankfurti është një pikë e rëndësishme e qarkullimit ajror, hekurudhor dhe rrugor si dhe një ndër qendrat më të mëdha financiare në botë.
Varshava nga lart
Kryeqyteti i Polonisë, Varshava, njihet edhe me epitetin “qyteti feniks” sepse ai u ka mbijetuar shumë luftrave. Pasi dëmtimet e shumta të Luftës së II Botërore shkatërruan mbi 85% të godinave, qyteti u rindërtua i tëri. Kjo fotografi e pjesës së vjetër të rindërtuar të Varshavës është marrë nga kisha më e madhe e qytetit, në të cilën kokëkrisurit u ngjitën ilegalisht në mes të ditës.
Në majën e pasme të Notre Dame
Bashkë me eksploruesin urban, francezin Vic Lax, Makhorov dhe Raskalov ia dolën që të ngjiten në majën më të lartë të njërës prej godinave kishtare më të njohura në botë: Notre Dame e Parisit. Duke u ngjitur në fasadën gotike të ndërtesës, Vitaliy për pak sa nuk u rëzua në një pikë të majës së katedrales. Sipas Makhorov, ky ka qenë çasti vërtetë më i rrezikshëm gjatë turit.
Përballja e pashmangshme me policinë
Me ngjitjen në majën e katedrales "Shën Vitus" në Pragë përjetuam dështimin më të madh të turit, thotë Makhorov. Nën presionin e kohës turistët e lartësive nuk pritën sa të errësohej dhe u ngjitën ditën në majën e katedrales më të madhe dhe më të rëndësishme të Pragës – e gjitha kjo vetëm sa për të takuar nëpunësit e policisë, që i pritën ata në majë të katedrales dhe i ndaluan për disa orë.
Atraksioni kryesor i Barcelonës
Kritiku i arkitekturës Paul Goldberger konsideron se katedralja “La Sagrada Familia” është "interpretimi personal më i jashtëzakonshëm i arkitekturës gotike që nga Mesjeta”. Katedralja e projektuar nga Antoni Gaudi në vitet 1852 - 1926 ka mbetur e papërfunduar. Dy kokëkrisurit u ngjitën në kambanore dhe më pas në vinçin 50 metra të lartë mbi katedralen me lartësi 170 metra.