1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Çfarë përmban rregullorja e re e Covid-19 për hyrjet?

12 Maj 2021

Qeveria federale gjermane ka miratuar sot një rregullore të re për udhëtimet hyrëse për Evropën.

https://p.dw.com/p/3tJ2W
Coronavirus - Verschärfte Einreisekontrollen Frankfurt/Main
Fotografi: Boris Roessler/dpa/picture alliance

Qeveria gjermane ka miratuar sot (12.05.) një urdhëresë me rregulla për hyrjet në Gjermani gjatë pandemisë së Covid-19. Në bazë të rregullores së re, personat e vaksinuar dhe ata që e kanë kaluar Covid-19 nuk duhet të testohen më kur hyjnë në Gjermani. Ata nuk duhet të kalojnë më as në karantinë.

Përsa u përket personave që nuk janë vaksinuar ose që nuk e kanë kaluar Covid-19 dhe që vijnë nga një zonë rreziku,  ata mund ta sigurojnë hyrjen në Gjermani duke u testuar, me kusht që testi të dalë me përfundim negativ. Për këtë ata mund të bëjnë një test antigjen, nga bërja e të cilit nuk duhet të kenë kaluar 48 orë kur hyjnë në Gjermani; ose edhe një test PCR, që të mos jetë bërë më herët se 72 orë nga hyrja në Gjermani.

Shqipëria nuk bën pjesë më në "zonat e rrezikut" të klasifikuara si të tilla nga Gjermania. Kosova e Maqedonia e Veriut që prej datës 16.05. do të jenë vetëm "zona të rrezikut" jo "zona të incidencës së lartë."

Lehtësimi më i madh për karantinën me rregulloren e re të hyrjes në Gjermani vjen për shtetet e klasifikuara si zona rreziku.

Deutschland Karlsruhe Erste Maschinen mit Erntehelfern aus Rumänien gelandet
Fotografi: picture-alliance/dpa/U. Deck

Kur vjen nga një zonë rreziku nuk të duhet të hysh në karantinë (e cila si masë, në parim, ende ekziston për çdo person që hyn nga bota e jashtme në Gjermani), kur paraqet dëshminë e testit negativ, ose se je shëruar nga Covid-19 ose ke një librezë vaksinimi dhe se je vaksinuar me njërën nga vaksinat e licensuara në Bashkimin Evropian: me BioNTech/Pfizer, Moderna, AstraZeneca dhe Johnson & Johnson. Këto të dhëna duhet të përcillen gjatë regjistrimit digjital të hyrjes në Gjermani.

E reja me rregulloren e miratuar sot, është se kur plotëson kushtet e sipërpërmendura (pra paraqet test negativ, apo ke dëshmi se je shëruar nga infektimi me Covid-19 apo ke librezë vaksinimi për vaksinim me një vaksinë të licensuar nga BE) nuk të duhet të hysh më në karantinë në Gjermani.

Dallime midis zonave të rrezikut dhe zonave të varianteve të virusit

Kur vjen nga "zonat e rrezikut" në Gjermani, si janë prej 16.05. p.sh. Kosova apo Maqedonia e Veriut, të lejohet të testohesh për të mos hyrë në karantinë.

Kur hyn në Gjermani nga zona të rrezikut të lartë, rregullorja e re parashikon se duhet të paraqesësh në hyrje edhe dëshminë e testit negativ ose se ke kaluar e je shëruar nga Covid-19, ose ke një librezë vaksinimi dhe se je vaksinuar me njërën nga vaksinat e licensuara në Bashkimin Evropian.

Deutschland Rheinmünster Erste Maschinen mit Erntehelfern aus Rumänien gelandet
Fotografi: picture-alliance/dpa/U. Deck

Për zonat e varianteve të virusit, karantina në hyrjen në Gjermani nuk mund të eleminohet (apo si thuhet nga juristët "të përfundojë para kohe"), me anë të një testimi as me rregulloren e re.

Edhe për familjet do të jetë më e lehtë të udhëtojnë. Në bazë të rregullores së re, të vaksinuar duhet të jenë prindërit, fëmijët nuk duhet të jenë të vaksinuar.

Qeveria federale gjermane miratoi më tej sot (12.05.) edhe një fond tjetër prej 300 milionë eurosh, për zhvillimin e medikamenteve kundër Covid-19.