بارک اوباما د آصف علي زرداري نظر نه مني | افغانستان | DW | 04.08.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

بارک اوباما د آصف علي زرداري نظر نه مني

سپینې ماڼۍ د پاکستان د جمهور رییس هغه یادونې ردې کړی چی ګواکې د امریکا متحده ایالاتو تر مشرې لاندی نړيوال ایتلاف په افغانستان کی جګړه بایلي.

اوباما هيله لري چي په افغانستان کي پرمختگ وسي

اوباما هيله لري چي په افغانستان کي پرمختگ وسي

د سپینې ماڼې ویاند، رابرت ګیبس وویل چی جمهور رییس بارک اوباما چی څو ورځې مخکې د افغانستان په جګړه کې له پرمختګ څخه خبرې وکړی، د جمهور رییس آصف علی زرداری له تبصرو سره موافق نه دﺉ. ګیبس خبریالانو ته وویل:

« زه فکر نه کوم چی جمهور رییس دی د ښاغلي زرداري له دی ډول یوی ارزونې سره همنظر وی چی جګړه مو د طالبانو په وړاندې بایللی ده.»

د واشنګتن دغه غبرګون وروسته له هغې وښودل شو چی د پاکستان جمهور رییس په فرانسه کی د خپل سفر په ترڅ کی پرون یوی ورځپاڼې ته وویل چی نړیوال ایتلاف په افغانستان کی جګړه بایللی ده.

زرداری د فرانسی د Le Monde ورځپاڼې ته په یوه مرکه کی وویل:

« نړېوالۍ ټولنی چی پاکستان هم د هغی غړی دی، د طالبانو په وړاندې جګړه بایلي. دا ځکه چی مونږ ونه شو کړای چی د خلکو زړونه او فکرونه راخپل کړو.»

دغه راز د امریکا متحده ایالاتو د دفاع وزارت هم د زرداري له دی ډول ارزونی سره مخالفت ښودلی دی.

ډګروال Dave Lapan خبریالانو ته وویل: « مونږ د طالبانو د پرمختګ مخه نيولې ده.» خو هغه یادونه وکړه چی لا تر اوسه ډیر وختی ده چی سړی قضاوت وکړی چی آیا وضعيت د نړیوال ايتلاف او د افغانستان د حکومت د ځواکونو په ګټه مثبت لور ته مخه کړې ده.

ليکونکی: عبدالباري حکيم/ آژانسونه
کتونکی: احمدولي اڅکزی

اعلان