1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

د بشري حقونو د څار ټولنه

د بشري حقونو د څار ټولنه يو غير انتفاعي او غير دولتي سازمان دی چې مقر یې په نيويارک کې دی. دا ټولنه په ټوله نړۍ کې د بشري حقونو او عدالت د پياوړي کولو په هدف جوړه شوې ده.

د بشري حقونو د څار ټولنه په ۱۹۷۸ م کال کې د رابرت ال. بريستين له خوا جوړه شوه. دا سازمان هر کال د نړۍ په ۹۰ هېوادونو کې د بشري حقونو د وضيعت په اړه تر ۱۰۰ زيات رپوټونه خپروي. دا سازمان د سيمه ایزو سازمانونو، رسنيو او سياسي پريکړې کوونکو سره په همکارۍ د بنسټيزو اساسي حقونو د حفاظت له پاره هلې ځلې کوي. دې سازمان په ۱۹۹۷ م کال کې د ځمکنيو ماينونو د منع کولو د نړيوال کمپاين د بنسټ ايښوونکي په توگه د سولې د نوبل جایزه ترلاسه کړه. همدا راز دا سازمان د خوشه اي مهماتو د منع د ۲۰۰۸م کال په تړون کې هم نقش لري. په دې پاڼه کې د بشري حقونو د څار د سازمان په اړه تړاو د دويچه ويله مطالب لوستلی شئ.