Скапите германски ЛНГ терминали „зјаат“ речиси празни

Германските терминали за довод на течен земен гас (ЛНГ) досега имаат само минимален придонес во германскиот увоз на гас. Според податоците на Германската регулаторна агенција за енергетика, Германија во првата половина од годинава извршила увоз на околу 526 тераватчасови гас, речиси половината од тоа од Норвешка. Наспроти тоа, преку трите ЛНГ-терминали во Вилхелмсхафен, Брунсбител и Лубмин дошле  само 33,8 тераватчасови, што е удел од 6,4 проценти.

Предничи ЛНГ-терминалот во Вилхелмсхафен

Терминалите беа ставени во погон пред околу половина година, а предничеше Вилхелмсхафен. Тамошната пловечка постројка беше прватапреку која во декември минатата година во Германија стигна првата испорака на течен во Германија. Бројките на Германското министерство за економија и Германската регулаторна агенција за енергетика покажуваат и дека преку Вилхелмсхафен досега протекла најголема количина на течен земен гас.

Од почетокот на јануари до крајот на јуни преку ЛНГ терминалот во Вилхелмсхафен биле увезени 21,8 тераватчасови, преку терминалот Брунсбител 5,2 тераватчасови, а преку Лубмин, според приватниот оператор Дојче Регас, околу 7 тераватчасови. Информациите од Сојузното здружение за енергетика и водостопанство велат дека Германијанајголем дел од ЛНГ гасот го добива од САД.

Во подготовка се веќе натамошни терминали

За оваа година германската влада најавува ставање во погон на ЛНГ увозни капацитети од 13,5 милијарди кубни метри гас. Тоа одговара на повеќе од 130 тераватчасови, што е четири пати повеќе отколку што било увезено преку ЛНГ терминалите во првата половина од годинава. Во 2027 година увозните капацитети би требало да нараснат на дури 54 милијарди кубни метри гас. За таа цел во подготовка се веќе натамошни ЛНГ терминали, меѓу другите во Штаде, во покраината Долна Саксонија, кој би требало да биде готов претстојната зима. Неодамна, со закон во план е ставен предвид како можна локација за ЛНГ терминал и Мукран на островот Риген, без оглед на отпорот на жителите, еколошките здруженија, туристичката индустрија и покраинската влада во Мекленбург-Предна Померанија.

Дали германската влада создава вишок на капацитети? 

Новата ЛНГ-инфраструктура е директен одговор на руската војна против Украина. Со течниот гас германската влада од една страна сака да ја надмине едностраната зависност,за што вложи големи средства – до 2038 година се ставени на располагање веќе 9,8 милијарди евра.Министерството за економија меѓутоа уште сега смета на зголемување на издатоците. Критичарите пак стравуваатдека се создаваат вишок капацитети за фосилна енергија, многу поголеми од она што е потребно закомпензација на поранешниот увоз на гас од Русија.