Yara miliyan 72 na aikatau a Afirka

Ministan raya cigaba na kasar Jamus Gerd Müller, ya nuna damuwa kan yawaitar yara miliyan 160 da ke aikatau a ma'aikatun sarrafa abinci da kamfanonin mulmula karafa a yammacin duniya.

Kungiyar kwadago ta duniya ILO, ta ce matsalar sa yara aikatau ya fi muni a kasashen Afirka da kusan yara miliyan 72, inda cikin kowane yara biyar ana samun akalla yaro daya dake aiki.

Ayyukan noma na daukar kashi 70 cikin 100 na ayyukan da kananan yara suka fi yi a duniya, sai ayyukan yau da kullum da kaso 20, sannan ayyukan masana'antu da kashi 10. Sai dai aikatau na yara ya fi yawa a karkara da kashi 14 cikin dari, adadin da ya ninka har sau uku a birane.

Yaki da aikatau tsakanin yara na bukatar matakin gaggawa daga kowane bangare, duk da cewa an danganta annobar corona da taka rawar maida hannun agogo baya.