1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Ukraine ta kai hari a cibiyar man fetur na Rasha

Abdul-raheem Hassan
November 4, 2025

Hukumomin Moscow sun tabbatar da harin ya haddasa fashewa a birnin Sterlitamak mai tazarar sama da kilomita 1,500 da iyakar Ukraine, sai dai babu rahotannin mutuwa.

https://p.dw.com/p/534Un
Ukraine Pokrowsk 2025 | Ukrainischer Soldat startet Aufklärungsdrohne nahe der Front
Wani sojan Ukraine ke gwada jirgin yaki mara matukiHoto: Stringer/REUTERS

Jiragen yakin Ukraine mara matuka sun kai hari wata cibiyar man fetur na Rasha, ma'aikatar tsaron kasar ta kakkabo jirage 85 a wani mataki na dakile hare-haren Ukraine ta sama. Rasha ta jadda da aniyar kare matatun man kasar da sauran cibiyoyin makamashi daga barazana.

A cigaba da kare kanta daga mamayar Rasha fiye da shekaru uku da rabi, Ukraine na kai hare-haren ramuwar gayya a yankunan Moscow, musamman a cibiyoyin masana'antu don rage kaifin tasirin sojojinta.

Hare-haren baya-bayan nan da Ukraine ke kai wa Rasha, na shafar yadda take fitar da man fetur da dizel wadan da kasar ke dogaro a kansu wajen samar da kudaden shiga.